Tehran Prokurorluğu: Vətəndaşların geyimlərinə nəzarət gücləndirilsin!

SON XƏBƏRLƏR

Tehran Prokurorluğu: Vətəndaşların geyimlərinə nəzarət gücləndirilsin!

2025.11.21, 13:56

İran hökumətinin məcburi hicab əleyhdarlarına təzyiqi artırmaq səylərini davam Tehran Prokurorluğu da məsələ ilə bağlı bəyanat yayıb.

Gunaz.tv

Bu haqda İran mediası bildirib.

Bəyanatda Tehran Ümumi və İnqilab Prokuroru Əli salehi vətəndaşların geyimlərinə nəzarətin artırılmasına çağırıb.

O, bildirib ki, 28 icra orqanının "hicab və iffət" sahəsində xüsusi hüquqi vəzifələri var və bunlar yerinə yetirilməlidir.

Hərbi, hüquq-mühafizə və təhlükəsizlik komandirlərinin iştirakı ilə keçirilən görüşdə Salehi, icra, mədəni və nəzarət qurumlarının və təsisatlarının "hicab, iffət və sosial anormallıqlarla mübarizə" sahəsində fəaliyyətlərinin artırılmasının vacibliyini vurğulayıb.

Prokuror məcburicab hicab qaydalarının pozulmasını "xarici düşmənlərin dəstəyi ilə formalaşan mütəşəkkil şəbəkə"nin işi olduğunu iddia edib, hicab qaydalarını pozanları əxlaqsız adlandırıb və İranın hüquq-mühafizə və təhlükəsizlik qüvvələrini buna qarşı "qətiyyətli və sürətli" tədbirlər görməsinə çağırıb.

Salehinin açıqlamaları, İranın yüksək vəzifəli rəsmilərinin məcburi hicab qaydalarının daha sərt tətbiqi ilə bağlı bir sıra göstəriş və bəyanatlarından sonraya təsadüf edir. Bu siyasət son aylarda məhkəmə sisteminin yaşıl işığı, təhlükəsizlik qurumlarının və dövlət mediasının dəstəyi ilə həyata keçirilir.

Qeyd edək ki, bir neçə gün əvvəl İran məhkəmə sisteminin rəhbəri Qulamhüseyn Möhseni Ejei prokurorlara təhlükəsizlik və hüquq-mühafizə orqanları ilə əməkdaşlıq edərək "sosial anomaliyalar" sahəsində "mütəşəkkil və xarici ölkələrlə əlaqəli" tendensiyaları müəyyən etməyi və onları məhkəmə sisteminə təqdim etməyi əmr edib.

GünazTV

GUNAZ.TV

SON XƏBƏRLƏR