Contact Us

SON XƏBƏRLƏR

Təbrizdə Koroğlu tamaşasına rəğbət qısqanclıqla qarşılaşdı

2025.12.02, 16:49
Təbrizdə Koroğlu tamaşasına rəğbət qısqanclıqla qarşılaşdı

Təbrizdə Koroğlu tamaşasının səhnələşdirilməsi Şəhər Şurasının üzvü Həkimə Qəfuri və bəzi radikal cərəyanlara mənsub şəxslərin etirazı ilə qarşılaşıb.

Gunaz.tv

Bu haqda yerli mənbələr məlumat yayıb. 

Məlumata görə, Qəfuri və onu dəstəkləyənlər tamaşada qadın sənətçilərin rəqs etməsi və oxumalarını qınayıb, bunu islam qaydalarına zidd olduğunu iddia ediblər.

Şəhər Şurasının üzvü Həkimə Qəfuri, İslami İrşad İdarəsindən Korpğlu tamaşasının rejissodru Yəqub Camali Sədiqin fəaliyyət lisenziyasının ləğv edilməsini tələb edib.

Təbriz Şəhər Şurasının başçısı Qulamrza Əhmədi isə tamaşanın səhnələşdirilməsi üçün başçılıq etdiyi qurum və Təbriz bələdiyyəsinin məsuliyyət daşımadığını bildirib.

O, etirazları "vətəndaşların həssas və məsələlərə məsuliyyətli yanaşması" adlandırıb, əlaqədar qurumların tamaşada baş verən "pozuntulara" görə qanuni addım atacaqlarını söyləyib.

Təbrizli rejissor Yəqub camali Sədiq isə etiraz və iradları əsassız hesab edib, narazıların Azərbaycan mədəniyyətindən xəbərsiz olduqlarını deyib.

O, Şəhər Şurasını məsuliyyət daşıdığı işlərlə məşğul olmağa çağırıb, tamaşanı müzakirə etmək əvəzinə qurumda mövcud olan korrupsiya və qanunsuz halları aradan qaldırmağı tövsiyə edib.

Qeyd edək ki, Təbrizdə səhnəyə çıxarılan Koroğlu tamaşasının nümayişi təbrizllərin rəğbətilə qarşılaşdığı üçün bir neçə gün daha uzaldılıb.

Biletlərin onlayın satışına başlanıldıqdan 1 gün sonra 5000 biletin satıldığı bildirilib.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar