ABŞ senatorundan sərt eyham: Xamenei 72 hurinin görüşünə yollana bilər

SON XƏBƏRLƏR

ABŞ senatorundan sərt eyham: Xamenei 72 hurinin görüşünə yollana bilər

2026.01.21, 15:24

Markueyn Mullin: Xamenei gizləndiyi yerdən çıxıb, onun yeri Vaşinqtona dəqiq məlumdur.

Gunaz.tv

ABŞ Senatının üzvü Markueyn Mullin “Fox News” telekanalında jurnalist Şon Heniti ilə müsahibəsində İranın ali rəhbəri Əli Xameneinin gizləndiyi məkandan çıxdığını bildirib.

Senatorun sözlərinə görə, bu fakt Xameneinin olduğu yerin artıq ABŞ prezidenti və Amerika kəşfiyyat cəmiyyəti tərəfindən dəqiq müəyyən edildiyini göstərir.

Respublikaçı senator İran ətrafında vəziyyətin sürətlə gərginləşdiyini vurğulayaraq, Tehranın ABŞ Prezidenti Donald Trampın xəbərdarlıqlarını ciddiyə almadığını deyib. Mullin bildirib ki, ABŞ hərbi qüvvələri artıq bölgəyə yerləşdirilib və Tehran Trampın mesajlarını görməzlikdən gələrsə, bunun nəticələri İranın özü üçün ağır olacaq.

İrandakı daxili vəziyyətə toxunan senator qeyd edib ki, ABŞ zərurət yaranacağı təqdirdə İranın hava hücumundan müdafiə sistemlərini asanlıqla sıradan çıxara bilər. Onun sözlərinə görə, İran faktiki olaraq funksional orduya malik deyil və mövcud qüvvələr əsasən ölkə daxilində əhalinin etirazlarını yatırmaq üçün istifadə olunur. Bu səbəbdən Tehran yenidən SEPAH-a (İslam İnqilabı Keşikçiləri Korpusu) arxalanmaq məcburiyyətində qalıb.

Mullin Donald Trampın bəyanatlarının blef olmadığını xüsusi vurğulayaraq deyib: “Mən və sən Trampı yaxşı tanıyırıq. Elə bir məqam var ki, onun səbrinin həddi bitir.”

Oklahoma ştatından olan senator SEPAH-ı “dünyada terrorizmin ən böyük sponsoru” adlandırıb və bu qurumu nasist Almaniyasındakı SS qüvvələri ilə müqayisə edərək, onun rejimə kor-koranə sədaqət göstərən struktur olduğunu bildirib.

Mullin müsahibəsində ironik ifadə ilə deyib: “Biz Trampı yaxşı tanıyırıq və bilirik ki, bir nöqtədə onun səbrinin sonu çatır və ayətullah 77 hurinin görüşünə yollanır — əgər belə bir şey doğrudan da mövcuddursa!”

Şon Heniti isə senatorun bu sözlərinə kinayə ilə cavab verərək bildirib: “Əslində 72-dir, amma yəqin ayətullahlar üçün daha çox olar.”

GünazTV

GUNAZ.TV

SON XƏBƏRLƏR