Türkiyə və ABŞ arasında neft və qaz sazişi; Ankara–Vaşinqton strateji əməkdaşlığı gücləndirir

SON XƏBƏRLƏR

Türkiyə və ABŞ arasında neft və qaz sazişi; Ankara–Vaşinqton strateji əməkdaşlığı gücləndirir

2026.02.05, 15:08

Gunaz.tv

Türkiyə və ABŞ neft və qaz sahəsində mühüm bir saziş imzalayaraq enerji sahəsində strateji əməkdaşlıqda yeni mərhələyə qədəm qoyublar. Razılaşma birgə kəşfiyyat və hasilat fəaliyyətlərini əhatə edir.

Türkiyə mediasının məlumatına görə, Türkiyənin Enerji və Təbii Sərvətlər Nazirliyi Türkiyə Dövlət Neft Şirkəti (TPAO) ilə ABŞ-ın Chevron şirkəti arasında neft və qazın kəşfiyyatı və hasilatı sahəsində Anlaşma Memorandumunun imzalandığını açıqlayıb.

İstanbulda imzalanan bu sənəd Türkiyə daxilində və beynəlxalq miqyasda birgə layihələrin inkişaf etdirilməsini hədəfləyir və enerji sektorunda daha geniş əməkdaşlıq imkanlarını gündəmə gətirir.

Razılaşmaya əsasən, Ankara ABŞ-ın iri enerji şirkətləri ilə əməkdaşlıq edərək Qabar və Qara dəniz bölgələrində həyata keçirilən enerji layihələrini gücləndirməyi, eyni zamanda TPAO-nun beynəlxalq fəaliyyət dairəsini genişləndirməyi planlaşdırır. Türkiyə rəsmiləri bildiriblər ki, əsas məqsəd TPAO-nu gündəlik 1 milyon barel hasilat gücünə malik qlobal enerji şirkətinə çevirməkdir.

Türkiyənin energetika naziri yaxın zamanda digər beynəlxalq tərəfdaşlarla da yeni sazişlərin imzalanacağını bildirib və həyata keçirilən konkret layihələrin nəticələrinin şəffaf şəkildə Türkiyə ictimaiyyətinə təqdim ediləcəyini vurğulayıb.

GünazTV

GUNAZ.TV

SON XƏBƏRLƏR