Contact Us

SON XƏBƏRLƏR

ABŞ və İran arasında Omanda presedentsiz görüş

2026.02.06, 13:40
ABŞ və İran arasında Omanda presedentsiz görüş

Gunaz.tv
Səkkiz aylıq fasilədən sonra ABŞ ilə İran hakimiyyəti arasında nüvə proqramı ilə bağlı danışıqlar cümə günü səhər saatlarında Omanın paytaxtı Maskatda yenidən başlayıb. Danışıqlarda ABŞ-ı xüsusi nümayəndə Stiv Vitkoff və Donald Trampın kürəkəni Cared Kuşner, İran tərəfini isə xarici işlər naziri Abbas Əraqçi təmsil edir.

Amerika mənbələrinin məlumatına görə, ABŞ Mərkəzi Komandanlığının (CENTCOM) komandanı admiral Bred Kuperin mümkün iştirakı bu danışıqları nadir və diqqətçəkən görüşə çevirib.

İran hakimiyyəti danışıqların yalnız nüvə məsələsi ilə məhdudlaşmalı olduğunu vurğulayır. Bununla belə, The New York Times qəzetinin yazdığına görə, Tehran əsas diqqət nüvə dosyesində qalmaq şərti ilə raket proqramı və regional müttəfiq qüvvələr barədə məhdud müzakirələrə razı ola bilər. İran həmçinin uranın zənginləşdirilməsi üzrə “qanuni hüququnun” tanınmasını və sanksiyaların tez bir zamanda ləğvini tələb edir.

Amerika və İsrail rəsmiləri razılaşmanın əldə olunma ehtimalını aşağı qiymətləndirsələr də, danışıqların davamı üçün müəyyən çərçivənin formalaşa biləcəyini istisna etmirlər.
 

GünAzTV

Açar Sözlər :

SEÇİLMİŞ XƏBƏRLƏR

Çox oxunanlar