Boş stulla danışıqlar; hər şey Xameneinin əlindədir

SON XƏBƏRLƏR

Boş stulla danışıqlar; hər şey Xameneinin əlindədir

2026.02.06, 21:22

Diplomatik hər bir nəticə sonda 86 yaşlı Əli Xameneidən keçməlidir.

Gunaz.tv

ABŞ və İran arasında Omanda dolayı danışıqların başlaması ilə eyni vaxtda, amerikalı rəsmilərin sərt tənqidləri Əli Xameneinin mərkəzi və maneə yaradan rolunu bir daha ön plana çıxarıb.

ABŞ-ın vitse-prezidenti Cey-Di Vens İran liderinin danışıqlar masasında olmamasını “qəribə” adlandıraraq bildirib: “Əsas qərarvericisi masada olmayan bir sistemlə danışıqlar aparmaq diplomatiyanı iflic edir.”

Vens Megyn Kelli podkastına müsahibəsində deyib:“Belə bir ölkə ilə diplomatiya aparmaq çox qəribədir, çünki ölkəyə rəhbərlik edən şəxslə ümumiyyətlə danışmaq mümkün deyil. Bu, hər şeyi xeyli mürəkkəbləşdirir… Biz ölkənin real rəhbərliyi ilə birbaşa danışa bilmədiyimiz üçün bu, diplomatiyanı çox, çox çətin edir.”

Əli Xamenei 1989-cu ildən İranın ali rəhbəridir və ölkədə ən yüksək siyasi və dini hakimiyyəti əlində cəmləyib; elə buna görə də istənilən diplomatik nəticə sonda onun təsdiqindən keçməlidir.

Analitiklər bildirir ki, o, daimi veto ilə bir tərəfdən danışıqlara siqnal verir, digər tərəfdən isə qarşıdurmaya hazırlaşır; bu isə vaxt qazanmaq və hakimiyyəti qorumaq strategiyasıdır.

İran daxilində də onun yaratdığı siyasi dalanlara qarşı narazılıq artır, lakin danışıqların taleyi hələ də bir nəfərin qərarından asılıdır.

GünAzTV

GUNAZ.TV

SON XƏBƏRLƏR