Contact Us

SON XƏBƏRLƏR

85-dən çox yanacaqdaşıyan təyyarə və bir neçə AWACS Yaxın Şərqə doğru hərəkət edir

2026.02.18, 23:59
85-dən çox yanacaqdaşıyan təyyarə və bir neçə AWACS Yaxın Şərqə doğru hərəkət edir

Bir neçə hərbi monitorinq hesabı X sosial şəbəkəsində ABŞ-ın Avropa və Yaxın Şərqdə hava hərəkətliliyinin nəzərəçarpacaq dərəcədə artdığını bildirib.

Gunaz.tv

Məlumatlara görə, son 48 saat ərzində azı 85 ədəd ABŞ-a məxsus yanacaqdaşıyan təyyarə Avropada, ABŞ Mərkəzi Komandanlığının (CENTCOM) məsuliyyət zonasında və Yaxın Şərq istiqamətində yerləşdirilib və ya hərəkət edib. Bildirilir ki, bu təyyarələrdən 35-i yalnız bir gecə ərzində havaya qalxıb.

Digər bir hərbi müşahidə hesabı qeyd edib ki, KC-46 Pegasus donanmasının təxminən 15 faizi və KC-135 Stratotanker donanmasının 18 faizi bu əməliyyat düzülüşündə iştirak edir. Son saatlarda əlavə uçuşların da qeydə alındığı vurğulanır.

Eyni zamanda ABŞ Hərbi Hava Qüvvələrinə məxsus iki ədəd E-3 Sentry erkən xəbərdarlıq (AWACS) təyyarəsi – DENALI 01 və DENALI 02 çağırış nişanları ilə – Böyük Britaniyadakı RAF Mildenhall bazasından Yaxın Şərq istiqamətində yola düşüb. AWACS təyyarələri hava məkanına nəzarət, təhdidlərin erkən aşkarlanması və qırıcıların idarə olunması funksiyasını yerinə yetirir və onların yerləşdirilməsi adətən əməliyyat hazırlığının yüksəldilməsi siqnalı kimi qiymətləndirilir.

Bundan əlavə, Böyük Britaniyadakı Lakenheath bazasında yerləşən 492-ci eskadrilyaya aid 12 qırıcı təyyarənin də naməlum istiqamətə doğru bölgəni tərk etdiyi bildirilir.

Sözügedən məlumatlar hələlik Pentaqon tərəfindən rəsmi şəkildə təsdiq və ya təkzib olunmayıb. Bununla belə, yanacaqdaşıyan və AWACS təyyarələrinin eyni vaxtda artımı adətən genişmiqyaslı hava əməliyyatlarına hazırlıq əlaməti kimi dəyərləndirilir.

 

GünAzTV

R.G

Açar Sözlər :

SEÇİLMİŞ XƏBƏRLƏR

Çox oxunanlar