Contact Us

SON XƏBƏRLƏR

Təl-Əvivdən husilərə sərt xəbərdarlıq: “Barmaq tətikdədir, cavab dərhal və dağıdıcı olacaq”

2026.02.19, 22:55
Təl-Əvivdən husilərə sərt xəbərdarlıq: “Barmaq tətikdədir, cavab dərhal və dağıdıcı olacaq”

Gunaz.tv

ABŞ ilə İran arasında artan gərginlik fonunda Yaxın Şərqdə vəziyyət daha da həssas mərhələyə daxil olub. İsrail Silahlı Qüvvələrinin Baş Qərargah rəisi Eyal Zamir bildirib ki, ölkəsinin ordusu “barmağını tətikdə saxlayıb” və İran və ya onun bölgədəki proksi qüvvələri tərəfindən hər hansı əməliyyat dəyişikliyi olacağı təqdirdə dərhal və ağır cavab veriləcək.

“Jerusalem Post”un məlumatına görə, İsrail ordusunun rəhbərliyi və müdafiə naziri Yəməndə fəaliyyət göstərən husiləri açıq şəkildə hədələyib. Bildirilib ki, əgər bu qrup Vaşinqtonun mümkün addımlarına cavab olaraq İsrailə hücum edərsə, “dərhal və çox ağır bədəl” ödəyəcək.

Müdafiə naziri husilərin yüksək rütbəli komandirlərinə qarşı həyata keçirilən zərbələri gələcək daha sərt cavabların “ilkin mərhələsi” kimi qiymətləndirib və əməliyyatların genişləndirilə biləcəyini vurğulayıb.

Vaşinqtonun Tehranın mövqeyindən narazılığı isə bölgədə gərginliyin artması ehtimalını gücləndirir.

Son aylarda raket və pilotsuz uçuş aparatları ilə hücumlar həyata keçirən husilər bölgədə İranın əsas silahlı dayaqlarından biri hesab olunur.

Təhlil: Husilərin mümkün yeni hücumu Yaxın Şərqdə genişmiqyaslı qarşıdurma riskini daha da artırır.

 

GünAzTV

R.G

Açar Sözlər :

SEÇİLMİŞ XƏBƏRLƏR

Çox oxunanlar