ABŞ senatorundan Xameneiyə sərt xəbərdarlıq | “O, qanımızı çəkmədən içmək istəyir”

SON XƏBƏRLƏR

ABŞ senatorundan Xameneiyə sərt xəbərdarlıq | “O, qanımızı çəkmədən içmək istəyir”

2026.02.27, 08:36

“Üç gün ölü olsa belə, Xameneiyə etibar etmərəm”

Gunaz.tv

Vaşinqtonun siyasi mühiti İran rəhbərinə qarşı daha da sərtləşib. Respublikaçı düşərgənin nüfuzlu senatorlarından biri Əli Xamenei barədə danışaraq bildirib ki, “İran lideri Amerika qanına susayıb” və əsas məqsədi “amerikalıları və israilliləri öldürməkdir”.

Con Kennedi ABŞ Senatında çıxışı zamanı misli görünməmiş sərt ifadələr işlədib: “Ayətullah təkcə bizim cəhənnəmə gedəcəyimizi düşünmür, o bizi öldürmək və qanımızı çəkmədən içmək istəyir.” O vurğulayıb ki, İran rəhbəri keçmişdə də zorakı addımları dəstəkləyib və bu yanaşma “qəbul edilə bilməz”.

^{“Üç gün ölü olsa belə, ona etibar etmərəm”}

Respublikaçı senator Tehranla mümkün razılaşmaya toxunaraq xəbərdarlıq edib: “Əgər İranla razılaşma imzalansa, onun icrasına ciddi nəzarət mexanizmi olmalıdır. Mən bu adama üç gün ölü olsa belə etibar etmərəm.”

Con Kennedi Luiziana ştatından olan respublikaçı senatordur və İran hakimiyyətinə qarşı sərt mövqeyi ilə tanınır. Onun bu açıqlamaları ABŞ Prezidenti Donald Trumpın da “dünyanın ən böyük terror sponsoru”nun nüvə silahı əldə etməsinə heç vaxt icazə verməyəcəyini bəyan etdiyi bir vaxta təsadüf edir.

Vaşinqtonda Xameneiyə qarşı ritorikanın bu səviyyəyə qalxması göstərir ki, ABŞ-da səbir azalır və Tehran mövqeyini dəyişməzsə, böhranın daha təhlükəli mərhələyə keçməsi ehtimalı artır.

GünAzTV
R.G

GUNAZ.TV

SON XƏBƏRLƏR