Kanberranın Tehrana qarşı nadir mövqeyi

SON XƏBƏRLƏR

Kanberranın Tehrana qarşı nadir mövqeyi

2026.03.01, 07:45

Gunaz.tv

Avstraliyanın baş naziri bölgədə baş verən son hadisələr fonunda İranın nüvə proqramını “qlobal sülh üçün təhdid” adlandırıb və ölkəsinin İrana qarşı “addımı” dəstəklədiyini bəyan edib. Bu mövqe Kanberranın Tehrana münasibətdə rəsmi ritorikasının sərtləşməsi kimi qiymətləndirilir.

Baş nazir bildirib ki, hökuməti “regional eskalasiyadan narahatdır”, lakin eyni zamanda İrana qarşı hərbi əməliyyatı dəstəkləyir. O, Yaxın Şərqdəki son təhlükəsizlik proseslərinə toxunaraq İranın nüvə proqramının beynəlxalq sabitlik üçün risk yaratdığını vurğulayıb.

Avstraliyanın xarici işlər naziri isə ayrıca açıqlamasında Kanberranın hücumların dəqiq vaxtı barədə əvvəlcədən məlumatlı olmadığını deyib. Bu bəyanat bəzi ölkələrdə ABŞ ilə mümkün əvvəlcədən koordinasiya barədə səsləndirilən ehtimallar fonunda verilib.

Avstraliyanın daxili siyasi mühitində də müxalifət İrana qarşı zərbələri dəstəkləyib. Bəzi rəsmilər əməliyyatın detalları ilə bağlı əvvəlcədən məlumatlandırılma məsələsində ehtiyatlı mövqe sərgiləsələr də, ümumilikdə İrana qarşı addımın dəstəklənməsi istiqamətində nadir siyasi konsensus formalaşıb.

Müşahidəçilər hesab edirlər ki, hökumət və müxalifətin eyni mövqedən çıxış etməsi Avstraliyanın Yaxın Şərq siyasətində və İranın nüvə proqramına yanaşmasında ciddi dəyişiklikdən xəbər verir. Bu dəyişiklik qarşıdakı aylarda diplomatik və təhlükəsizlik münasibətlərinə təsir göstərə bilər.

GünAzTV
R.G

GUNAZ.TV

SON XƏBƏRLƏR