NATO AWACS təyyarələri Türkiyənin Konya şəhərindən İran sərhədlərinə yaxın ərazidə havaya qalxdı

SON XƏBƏRLƏR

NATO AWACS təyyarələri Türkiyənin Konya şəhərindən İran sərhədlərinə yaxın ərazidə havaya qalxdı | Analitik hesabat

2026.03.04, 13:43

NATO-nun erkən xəbərdarlıq və hava nəzarət təyyarələri Türkiyənin Konya vilayətində yerləşən Konya hava bazasından uçuşlar həyata keçirib.

Gunaz.tv

NATO-nun rəsmi hesabatlarına əsasən, fevral ayının sonlarından etibarən iki ədəd Boeing E-3A Sentry tipli təyyarə sözügedən bazada yerləşdirilib. Uçuş məlumatları göstərir ki, bu təyyarələr, o cümlədən LX-N90442 qeydiyyat nömrəli bort, son günlər və bu günün sübh saatlarınadək Türkiyənin şərq bölgəsində və İran sərhədlərinə yaxın hava məkanında davamlı uçuşlar həyata keçirib.

NATO bildirir ki, bu addım “Türkiyə üçün xüsusi təminat tədbirləri” çərçivəsində atılıb. Eyni zamanda beynəlxalq media orqanları AWACS missiyalarının əməliyyat fokusunun Rusiya istiqamətindən İranla bağlı proseslərə doğru dəyişdiyini qeyd edir.

AWACS təyyarəsi sadəcə müşahidə vasitəsi deyil. Bu sistem yüzlərlə kilometr radiusda hava və raket hərəkətliliyini izləyə, əməliyyat məlumatlarını real vaxt rejimində ötürə və döyüş təyyarələri ilə hava hücumundan müdafiə sistemləri arasında koordinasiyanı təmin edə bilir. Hava hücumları və raket təhdidlərinin artdığı şəraitdə bu imkanlar faktiki olaraq hərbi əməliyyatların informasiya “onurğa sütunu” hesab olunur.

Türkiyə rəsmiləri İran əleyhinə birbaşa hərbi əməliyyatlarda iştirak etmədiklərini vurğulayıblar. Bununla belə, NATO-nun əməliyyat bazasına ev sahibliyi edilməsi mövcud həssas mərhələdə Ankaranı yeni təhlükəsizlik konfiqurasiyasının mərkəzinə yerləşdirir.

Bəzi analitiklər hesab edirlər ki, Konyada AWACS-ların yerləşdirilməsi təkcə müdafiə xarakterli addım deyil, həm də Tehrana açıq və çəkindirici mesajdır: Qərb regiondakı prosesləri yaxından izləyir və operativ informasiya dəstəyi verməyə hazırdır.

Türkiyə rəsmi olaraq NATO-nun həssas missiyasına ev sahibliyi etdiyini bildirir, lakin bəzi müşahidəçilərin fikrincə, 40 milyonluq Güney Azərbaycan türklərinin, xüsusilə kürd qruplarının təzyiqləri fonunda müdafiəsi kontekstində, Ankara gələcəkdə əməliyyat baxımından daha aktiv rol ala və proseslərin əsas düyün nöqtələrindən birinə çevrilə bilər.

GünAzTV
R.G

GUNAZ.TV

SON XƏBƏRLƏR