Müctəba Xameneinin siması dağılıb və məhv olub

SON XƏBƏRLƏR

Müctəba Xameneinin siması dağılıb və məhv olub

2026.03.14, 01:11

ABŞ Müdafiə naziri Piter Hegst cümə günü açıqlayıb ki, İranın yeni rəhbəri, Müctəba Xamenei, yaralanıb və ehtimal ki, siması dağılıb, tanınmaz vəziyyətə düşüb. Bu, Tramp administrasiyasının yeni liderin vəziyyəti ilə bağlı ilk rəsmi qiymətləndirməsidir.

Gunaz.tv

ABŞ Müdafiə naziri Piter Hegst mətbuat konfransında bildirib ki, yeni təyin edilmiş İran lideri Müctəba Xameneinin vəziyyəti “kritik və siması ehtimal ki, məhv edilmişdir.” O, əlavə edib: «İran lideri yaralanıb və siması dağılıb. Niyə yazılı bəyanat yayımladı? Siz bilirsiniz niyə.»

Hegstin bu açıqlaması Tramp administrasiyasının yeni İran lideri haqqında ilk rəsmi mövqeyidir.

Hegst jurnalistlərə deyib: «İranın rəhbərliyi daha yaxşı vəziyyətdə deyil. Onlar qorxu içində qaçır və gizlənirlər, yer altına çəkiliblər. Bu, siçanların etdiyi işdir. Biz bilirik ki, təzə adlandırılan lider yaralanıb və siması dağılıb.»

O əlavə edib ki, Xameneinin yayımladığı yazılı mesaj onun qorxulu və yaralı olduğunu göstərir:
«İranda çoxlu kameralar və səs yazıcıları var, bəs niyə yazılı bəyanat? Açıq-aşkar, o qorxub, yaralanıb və ölkəsi kimdən idarə olunduğunu belə bilmir.»

Hegset həmçinin İranın raket atmaq qabiliyyətinin 90%, pilotsuz uçan aparat qabiliyyətinin isə 95% azaldığını vurğulayıb. O, İranın Hürmüz Boğazını bağlamaq təhdidini də önəmsiz göstərib: «Bu, bizim həll etdiyimiz məsələdir.»

GünAzTV
R.G

GUNAZ.TV

SON XƏBƏRLƏR