Şekarçinin nağılı çökdü: Lincoln gəmisi əməliyyatda

SON XƏBƏRLƏR

Şekarçinin nağılı çökdü: Lincoln gəmisi əməliyyatda

2026.03.14, 18:13

Dəniz məlumatları İranın Silahlı Qüvvələr sözçüsünün xəyal məhsulu olan iddiasını ifşa etdi. İranın “ABŞ aviadaşıyıcısı işə yaramır” iddiası real döyüş sahəsi və rəsmi görüntülərlə tamamilə təkzib olunub.

Gunaz.tv

İranın yüksək rütbəli hərbi nümayəndəsinin “ABŞ aviadaşıyıcısı işləməz vəziyyətdədir” iddiası qısa zamanda rəsmi görüntülər və sahə məlumatları ilə təkzib edildi; bu hadisə Tehranın təbliğatla real hərbi vəziyyət arasındakı uçurumu bir daha açıq göstərdi.

Abulfəz Şekarçi, İran Silahlı Qüvvələr Baş Qərargahının sözçüsü, ABŞ-ın “USS Abraham Lincoln” aviadaşıyıcısının bölgədə fəaliyyətini dayandırdığını və əməliyyat sahəsindən çıxarıldığını iddia edib; bu iddia İranın dövlətə bağlı mediada sürətlə yayıldı.

İranın dövlət mediasına görə, Şekarçi regional ölkələrə ABŞ-a etibar etməmələri barədə xəbərdarlıq edib və aviadaşıyıcının məğlub olduğunu iddia edib.

Lakin ABŞ hərbi mənbələri və müstəqil dəniz məlumatları bu iddianı rədd ediblər. ABŞ Mərkəzi Komandanlığı bildirib ki, “Abraham Lincoln” hələ də bölgədə aktivdir və uçuş əməliyyatları davam edir.

“USS Abraham Lincoln” hələ də Ərəb dənizi və Oman körfəzində yerləşir və İran əleyhinə hərbi əməliyyatın bir hissəsidir. Rəsmi görüntülər və gəmilərin izləmə sistemləri göstərir ki, döyüş təyyarələri hələ də göyərtədən qalxır və aviadaşıyıcının uçuş əməliyyatları normal davam edir. İranın əvvəlki ballistik raket və dron hücumları belə bu gəmiyə heç bir ziyan vura bilməyib.

Hərbi ekspertlər bildirir ki, bu aviadaşıyıcı və ona bağlı döyüş qrupu dünyanın ən möhkəm və müdafiəli hərbi sistemlərindən biridir və onun “işdən çıxması” praktik olaraq mümkün deyil. Çoxsəviyyəli müdafiə sistemi – Aegis raket gəmiləri, F-35C və F/A-18 təyyarələri, elektron müharibə sistemi və sualtı gəmilər – hətta yüzlərlə raket hücumunu belə neytrallaşdırır. Gəmiyə ikiqat göyərtə və qabaqcıl texnologiyalar quraşdırılıb ki, zərər olsa belə əməliyyatlar davam etsin.

Hərbi analitiklər qeyd edirlər ki, İranın bu iddiaları real hərbi vəziyyətdən çox, daxili istifadə üçün təbliğat və propagandadır və ABŞ-ın superkreyserlərinə qarşı birbaşa qarşıdurma qabiliyyətinin olmadığını göstərir.

ABŞ ordusu tərəfindən yayımlanan görüntü və videolar da göstərir ki, döyüş təyyarələri hələ də göyərtədən qalxır və əməliyyatlar normal davam edir.

Həmçinin gəmilərin izləmə sistemləri və Qərb hərbi mediasının hesabatları göstərir ki, aviadaşıyıcı Ərəb dənizində yerləşir və əməliyyat dövriyyəsindən çıxmayıb.

Hərbi analitiklər bildirir ki, bu cür iddialar keçmiş illərdə də İran mediyasında təkrar olunub, amma real döyüş sahəsi ilə uyğun gəlməyib.

İzləyicilər qeyd edirlər ki, belə xəbərlərin yayımlanması daha çox daxili təbliğat və güc nümayişi üçündür, real əməliyyat vəziyyətini əks etdirmir.

Tehran hərbi rəsmilərinin “ABŞ gəmisi işləmir” bəyanatlarına baxmayaraq, görüntü və əməliyyat məlumatları tamamilə əksini göstərir: gəmiyə hələ də bölgədədir və əməliyyatlarını davam etdirir.

GünAzTV
R.G

GUNAZ.TV

SON XƏBƏRLƏR