İsrail Xameneinin xüsusi təyyarəsini də vurdu

SON XƏBƏRLƏR

İsrail Xameneinin xüsusi təyyarəsini də vurdu

2026.03.16, 14:18

Gunaz.tv

İsrail ordusu bu ölkənin hərbi hava qüvvələrinin Tehranın Mehrabad hava limanında Əli Xamenei və İranın yüksək vəzifəli rəsmilərinin istifadə etdiyi bir təyyarəni məhv etdiyini açıqlayıb.

Günaz TV-nin məlumatına görə, İsrail ordusu yaydığı bəyanatda bildirib ki, hücum Tehrandakı Mehrabad hava limanında gecə əməliyyatı zamanı həyata keçirilib və İran hakimiyyəti üçün strateji aktiv sayılan təyyarə hədəfə alınıb.

Bəyanata əsasən, həmin təyyarə keçmişdə Əli Xamenei və İranın digər yüksək vəzifəli rəsmiləri tərəfindən daxili və xarici səfərlər üçün istifadə olunurdu və “müqavimət oxu” adlandırılan qruplarla əlaqələrin idarə olunması, eləcə də logistika və hərbi təchizat fəaliyyətlərində rol oynayırdı.

İsrail ordusu bildirib ki, bu təyyarənin məhv edilməsi İranın regiondakı qruplarla koordinasiya imkanlarına və hərbi şəbəkələrin idarə olunmasına ciddi zərbə vuracaq.

Bu hücum İran ilə ABŞ və İsrailin rəhbərlik etdiyi koalisiya arasında hərbi qarşıdurmanın artıq on yeddinci gününə təsadüf edir. Son günlər İranın müxtəlif bölgələrində hərbi infrastruktur, strateji obyektlər və hərbi proqramlarla əlaqəli bazalara zərbələr davam edir.

GünAzTV
R.G

Mehrabad hava limanı faktiki olaraq sıradan çıxıb - Təhlil

2026.03.16, 14:03

GUNAZ.TV

SON XƏBƏRLƏR