Şaiə, yoxsa reallıq? Netanyahu videoları diqqət mərkəzində

SON XƏBƏRLƏR

Şaiə, yoxsa reallıq? Netanyahu videoları diqqət mərkəzində

2026.03.21, 07:29

İddia olunan süni intellekt məsələsi təkzib edildi.

Gunaz.tv

Gunaz.tv xəbər verir ki, son günlər sosial şəbəkələrdə Benjamin Netanyahu haqqında yayılan videolarla bağlı geniş şayiələr dolaşır və bəzi istifadəçilər bu görüntülərin süni intellektlə hazırlandığını iddia edirlər.

Bu iddialar əsasən İran və İsrail arasında son qarşıdurmalar fonunda Netanyahunun səhhəti ilə bağlı yayılan söz-söhbətlərlə eyni vaxta təsadüf edir və qısa müddətdə geniş yayılıb. Bəzi şəxslər “altı barmaq”, qeyri-adi işıqlandırma və digər detallara diqqət çəkərək videoların saxta olduğunu irəli sürüblər.

Lakin Snopes, PolitiFact və The Independent kimi nüfuzlu fakt-yoxlama qurumlarının araşdırmaları göstərir ki, bu iddialar həqiqəti əks etdirmir və rəsmi videolar realdır.

Məlumatlara görə, “altıncı barmaq” kimi təqdim olunan görüntü əslində kameranın bucağı və görüntü keyfiyyətindən yaranan optik yanılmadır və əlin təbii hissəsi ilə bağlıdır. Texniki yoxlamalar da videoların saxta olma ehtimalının çox aşağı olduğunu göstərir.

Netanyahunun kafedə görüntüləndiyi video ilə bağlı da onun real olduğu, məkan və paylaşım vaxtı ilə tam uyğun gəldiyi müəyyən edilib. Bundan əlavə, təxminən 40 dəqiqə davam edən çıxışının hazırkı texnologiyalarla süni şəkildə fasiləsiz yaradılması mümkün hesab edilmir.

Eyni zamanda mütəxəssislər bildirirlər ki, Netanyahunun ölümü və ya yaralanması ilə bağlı bəzi saxta videolar həqiqətən süni intellekt vasitəsilə hazırlanıb və dezinformasiya məqsədi daşıyır. Lakin rəsmi mənbələrdən yayılan videolar real və etibarlıdır.

GünAzTV
R.G

GUNAZ.TV

SON XƏBƏRLƏR