İddia: Səid Cəlili və rejimin sərt xətt tərəfdarların gizli yeri darmadağın edildi (FOTO)

SON XƏBƏRLƏR

İddia: Səid Cəlili və rejimin sərt xətt tərəfdarların gizli yeri darmadağın edildi (FOTO)

2026.03.28, 23:51

Tehranda hökumətə bağlı hüseyniyyə vuruldu; gizlədilən detallar üzə çıxır...

Gunaz.tv

Gunaz TV-nin məlumatına görə, Tehranın 13-Aban bölgəsində yerləşən və rejimə bağlı olan çoxmərtəbəli hüseyniyyə cümə günü səhər saat 04:00-da dəqiq zərbə ilə hədəf alınıb.

Yerli mənbələrin yaydığı məlumata əsasən, bu bina SEPAH və bəsic qüvvələrinin toplaşdığı məkan kimi istifadə olunub və hücum zamanı xüsusilə üçüncü mərtəbə ciddi şəkildə dağıdılıb.

Məlumatlara görə, “İmam Həsən Müctəba” adlı bu hüseyniyyə Alireza Dəbirə məxsus olub və faktiki olaraq hökumət mərkəzi kimi fəaliyyət göstərib.

Yerli sakinlərin sözlərinə görə, İranın keçmiş Milli Təhlükəsizlik Şurasının katibi və rejimin sərt xətt tərəfdarlarından biri olan Səid Cəlili həyat yoldaşı və iki övladı ilə birlikdə həmin binada olub və hücum zamanı üçüncü mərtəbədə gizlənirmiş.

Bu arada, təsdiqlənməmiş məlumatlara görə, Cəlilinin həyat yoldaşı və iki övladı öldürülüb. Onun özünün taleyi barədə isə dəqiq məlumat yoxdur və İran hakimiyyəti bu məsələni təsdiqləməkdən və ya təkzib etməkdən yayınır.

Yerli mənbələr vurğulayır ki, hücumun hədəfi birbaşa rejimə bağlı obyekt olub. Lakin İran mediası hadisəni “yaşayış məntəqəsinin vurulması” kimi təqdim edərək həqiqəti gizlətməyə çalışır.

Şahidlərin sözlərinə görə, sözügedən bina açıq şəkildə hökumət qüvvələrinin toplaşdığı məkan olub və burada mülki fəaliyyət aparılmayıb.

Alireza Dəbir — İran güləş federasiyasının rəhbəri və Tehranın keçmiş şəhər şurası üzvü — bu hüseyniyyənin rəhbəri olub və obyekt onun adı ilə tanınır. O, daha əvvəl İsraili hədələyərək “gizli silahlarla Təl-Əvivi üç dəfə yerlə-yeksan edə bilərik” demişdi.

Gunaz TV
R.G

GUNAZ.TV

SON XƏBƏRLƏR