İran səfirinə çıxış əmri verildi, amma o, Livanı tərk etmir

SON XƏBƏRLƏR

İran səfirinə çıxış əmri verildi, amma o, Livanı tərk etmir

2026.03.30, 09:59

İran səfirinin Livanı tərk etməməsində Hizbullahın rolu Livan hökuməti üçün yeni çağırışa çevrilib.

Gunaz.tv

Gunaz TV-nin məlumatına görə, AFP agentliyi diplomatik mənbəyə istinadən xəbər verir ki, İranın Beyrutdakı səfiri Mohammad Rza Şeibani “arzuolunmaz şəxs” elan olunmasına və ölkəni tərk etməsi barədə göstəriş verilməsinə baxmayaraq, Livanı tərk etməkdən imtina edib.

Məlumata əsasən, İran rejiminin səfirinə 29 mart 2026-cı il tarixinə qədər Livanı tərk etməsi tapşırılmışdı, lakin o, bu göstərişi yerinə yetirməyib.

Adının açıqlanmasını istəməyən diplomatik mənbə bildirib: “Səfir Livanı tərk etməyəcək. Bu qərar Livan parlamentinin sədri Nabih Berri və Hizbullahın istəyinə uyğundur.”

Livan Xarici İşlər Nazirliyi ötən həftə Şeybaninin diplomatik statusunu ləğv edərək onu “arzuolunmaz şəxs” elan edib. Rəsmi səbəb kimi Livan rəsmiləri tərəfindən “daxili işlərə müdaxilə” kimi qiymətləndirilən açıqlamalar göstərilib.

Bu addım Livan hökumətinin son dövrlərdə İsraillə artan gərginlik fonunda İran rejimi və Hizbullahın təsirini məhdudlaşdırmaq cəhdləri çərçivəsində atılıb.

Ölkəni tərk etmək üçün verilən müddətin bitməsinə baxmayaraq, səfirin Livanı tərk etməsi ilə bağlı hələlik rəsmi təsdiq yoxdur.

Bu arada Hizbullah və Amal Movement hərəkatı (Nabih Berrinin rəhbərliyi ilə) bu qərarı pisləyərək səfirin qalmasını istəyib. Eyni zamanda bəzi Livan rəsmiləri, o cümlədən baş nazir bu qərarın icra olunmasının vacibliyini vurğulayır.

Gunaz TV
R.G

GUNAZ.TV

SON XƏBƏRLƏR