Əli Xameneinin öldürülməsindən sonra Trampa qarşı yeni təhdid

SON XƏBƏRLƏR

Əli Xameneinin öldürülməsindən sonra Trampa qarşı yeni təhdid

2026.04.01, 20:30

İran hakimiyyətindən Trampa qarşı növbəti sərt açıqlama verildi.

Gunaz.tv

"Gunaz TV"nin məlumatına görə, İran Məclisinin sədr müavini Əli Nikzad, Əli Xameneinin öldürülməsinə istinad edərək hakimiyyət rəsmilərinin təhdid dolu ritorikasını bir daha təkrarlayıb və deyib: "Biz müsəlmanların rəhbərinin qanının qisasını alana qədər Trampın yaxasını buraxmayacağıq."

O, çıxışının davamında hakimiyyətin rəsmi mövqeyini təkrarlayaraq əlavə edib: "Bu, İrana qarşı qurulan ən ağır sui-qəsd idi, lakin onlar heç vaxt öz pis məqsədlərinə çatmayacaqlar."

Bu arada İran hakimiyyətinin heç bir aydın sübut təqdim etmədən mühüm hadisələri "xarici sui-qəsd" kimi təqdim etməsi uzun müddətdir tənqid olunur. Tənqidçilər bildirir ki, bu yanaşma ölkə daxilindəki böhranları və xalqın geniş narazılığını ört-basdır etmək üçün istifadə olunur.

Nikzad həmçinin regiondakı vəziyyətə toxunaraq deyib: "Hörmüz boğazı heç vaxt açılmayacaq, heç bir danışıqlar aparılmayıb və aparılmayacaq."

Hakimiyyət rəsmilərinin sərt açıqlamaları davam etdiyi bir vaxtda, İranda yaşayan insanlar ağır iqtisadi təzyiqlər, siyasi basqılar və geniş məhdudiyyətlərlə üz-üzədir. Bir çoxları bu cür təhdidləri cəmiyyətin real ehtiyaclarından uzaq hesab edir.

GünAzTV
R.G

GUNAZ.TV

SON XƏBƏRLƏR