Contact Us

SON XƏBƏRLƏR

Qızıl niyə qəfil zirvədən düşdü? bazarda nə baş verir?

2026.04.04, 14:50
Qızıl niyə qəfil zirvədən düşdü? bazarda nə baş verir?

Gunaz.tv

Yaxın Şərqdə yenidən hərbi gərginliyin artdığı və dünyanın ən həyati enerji keçidlərindən birində ciddi pozuntuların yaşandığı bir vaxtda, gözləntilərin əksinə olaraq qızılın qiyməti artmaq əvəzinə nəzərəçarpacaq şəkildə enib.

Gunaz TV-nin məlumatına görə, yanvar ayının sonlarında bir unsiya üçün 5 min 500 dollardan yuxarı qalxan qızılın qiyməti, 4 aprel 2026-cı il tarixində 4 min 600–4 min 700 dollar aralığında ticarət olunur. Bu eniş qlobal bazar analitiklərinin diqqətini cəlb edib.

Mütəxəssislər bu tendensiyanın əsas səbəbini “makroiqtisadi amillərin” üstünlük qazanması ilə izah edir. Müharibənin neft təchizatına təsiri nəticəsində qlobal inflyasiya artıb və buna cavab olaraq ABŞ mərkəzi bankı sərt pul siyasətini gücləndirib. Bu çərçivədə ABŞ xəzinədarlıq istiqrazlarının gəlirliliyi təxminən 4.38 faizə yüksəlib və investorları gəlir gətirən aktivlərə yönəldib.

Belə şəraitdə faiz gətirməyən qızıl cazibəsini itirir. İnvestorlar dövlət istiqrazlarından “risksiz” şəkildə təxminən 5 faiz gəlir əldə edə bildiyi halda, gəlir gətirməyən qızılı saxlamaq daha az məntiqli görünür.

Digər tərəfdən, ABŞ dollarının möhkəmlənməsi də qızıl bazarına əlavə təzyiq göstərir. Qızıl dollarla qiymətləndirildiyi üçün dolların bahalaşması bu metalı beynəlxalq alıcılar üçün daha baha edir və nəticədə tələb azalır.

Eyni zamanda enerji bazarında ciddi dalğalanmalar müşahidə olunur. Hörmüz boğazının bağlanmasından sonra dünya üzrə gündəlik neft və mayeləşdirilmiş qaz axınının təxminən 20 faizi dayanıb və bu da qiymətlərin artmasına səbəb olub. ABŞ xam nefti 111 dolları keçib, Brent markalı neft isə 109–111 dollar aralığında dəyişir.

Geosiyasi risklərin artması dəniz daşımalarında sığorta xərclərinin də kəskin yüksəlməsinə səbəb olub. Sığorta xərcləri 0.05 faizdən 2.5 faizə qalxıb və alternativ marşrutlarla daşınan hər barel neft üçün əlavə xərc yaradıb.

Bununla belə, ənənəvi olaraq böhran dövrlərində “təhlükəsiz liman” sayılan qızıl bu dəfə pul siyasətinin təzyiqi altında qalıb. Analitiklər hesab edir ki, ABŞ mərkəzi bankı kursunu dəyişmədikcə və ya dollar zəifləmədikcə qızılın yenidən yüksəlişi məhdud olacaq.

Bundan əlavə, bəzi məlumatlar göstərir ki, kapitalın bir hissəsi dollar və daha riskli bazarlara yönəlib ki, bu da qızıl üzərində satış təzyiqini artırıb.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar