İranın 10 maddəlik cavabı: diplomatik yol dalana dirənir?

SON XƏBƏRLƏR

İranın 10 maddəlik cavabı: diplomatik yol dalana dirənir?

2026.04.06, 20:36

Gunaz.tv

Gunaz TV-nin məlumatına görə, Barak Ravid bildirib ki, ABŞ rəsmisi İranın bu gün (6 aprel 2026) müharibənin dayandırılması ilə bağlı təklifə 10 maddəlik cavabını vasitəçilər – o cümlədən Pakistan üzərindən Vaşinqtona göndərdiyini deyib.

ABŞ rəsmisi bu cavabı “maksimalist” adlandıraraq qeyd edib: “Bu cavabın diplomatik həll yoluna aparıb-aparmayacağı qeyri-müəyyəndir.”

İRNA-nın məlumatına görə, Tehran müvəqqəti atəşkəsi açıq şəkildə rədd edib və “müharibənin qəti və daimi şəkildə bitirilməsi” üzərində israr edib. İki həftəlik müzakirələrdən sonra hazırlanan bu 10 maddəlik cavabda döyüşlərin tam dayandırılması, Hörmüz boğazında təhlükəsizliyin təmin edilməsi, dağıdılmış infrastrukturun bərpası və sanksiyaların ləğvi kimi tələblər yer alıb.

Bunun fonunda Donald Trump daha əvvəl Hörmüz boğazının açılması üçün ultimatum vermiş və razılaşma olmadığı halda İran ərazisində enerji və infrastruktur obyektlərinə zərbələr endiriləcəyini bildirmişdi.

Qeyd edək ki, ABŞ hələlik bu cavaba rəsmi reaksiya verməyib, lakin Vaşinqtona yaxın mənbələr cavabın “gözləntilərdən uzaq” olduğunu bildirir. Diplomatik prosesin taleyi isə hələ də qeyri-müəyyən olaraq qalır.

GünAzTV
R.G

GUNAZ.TV

SON XƏBƏRLƏR