ABŞ son zərbə üçün hücuma hazırlaşır

SON XƏBƏRLƏR

ABŞ son zərbə üçün hücuma hazırlaşır

2026.04.10, 01:33

Gunaz.tv

Günaz TV-nin məlumatına görə, ABŞ ordusunun Şərəf medalı laureatı Devid Bellavianın iki həftəlik şərti atəşkəslə bağlı açıqlamalarının yer aldığı video sosial şəbəkələrdə sürətlə yayılıb və geniş əks-səda doğurub.

Bu videoda, İraq müharibəsinin veteranı olan Bellavia son atəşkəsi zəiflik əlaməti kimi deyil, daha genişmiqyaslı hərbi əməliyyata hazırlıq üçün “ağıllı fasilə” kimi qiymətləndirir.

O, açıq və sərt ifadələrlə deyir: «Bizə sadəcə iki həftə vaxt verin, sonra hər şey bitəcək. Biz geri qayıtmırıq, əksinə tamamilə yeni güc dalğası başlayırıq. Düşmənlər gizləndikləri yerlərdən çıxacaq, arxayınlaşacaq və hər yerdə asan hədəflər yaranacaq. 200 bombardmançı və 200 qırıcı yenidən silahlanmış, hazır və enerji ilə dolu olacaq; təcavüzkarlar üçün bir ağrı dünyası. Bu atəşkəs zəiflik deyil, son zərbəni daha güclü vurmaq üçün ağıllı fasilədir.»

Bu açıqlamalar Bellavianın Amerika mediasındakı çıxışlarının davamı olaraq səsləndirilib və Donald Tramp tərəfindən elan olunan iki həftəlik atəşkəsdən sonra yayımlanıb. O vurğulayıb ki, bu qısa fasilə ABŞ qüvvələrinə yenidən təşkilatlanmaq, hədəfləri daha dəqiq müəyyən etmək və qarşı tərəfin gizləndiyi mövqelərdən çıxmasını gözləmək imkanı verir.

Bellavia iddia edib ki, bu razılaşma “əslində ABŞ-ın qələbəsidir” və İran hökuməti tərəfindən hər hansı pozuntu daha genişmiqyaslı əməliyyat üçün əsas yaradacaq.

Devid Bellavia ABŞ ordusunun keçmiş hərbçisidir və İraqın Fəllucə şəhərində gedən döyüşlərdə iştirak edib. O, göstərdiyi şücaətə görə Konqresin Şərəf medalı ilə təltif olunub və hazırda Amerika konservativ mediasında hərbi analitik kimi fəaliyyət göstərir.

Günaz TV
R.G

GUNAZ.TV

SON XƏBƏRLƏR