Palantir; görünməyən silah və Amerikanın müharibə beyni

SON XƏBƏRLƏR

Palantir; görünməyən silah və Amerikanın müharibə beyni

2026.04.10, 22:01

Görünməyən güc: Palantir: düşmənləri görünmədən vurur.

Gunaz.tv

Günaz TV-nin məlumatına görə, ABŞ prezidenti Donald Tramp döyüş meydanlarında qabaqcıl texnologiyaların roluna diqqət çəkərək, xüsusilə süni intellekt və məlumat analitikası sahəsində fəaliyyət göstərən Amerika şirkətlərinin hərbi üstünlüyün əsas amili olduğunu vurğulayıb.

Tramp son açıqlamasında deyib: “Amerika şirkətlərinin, o cümlədən Palantir Technologies kimi şirkətlərin hərbi imkanları və texnologiyaları yüksək səviyyədədir. Sadəcə düşmənlərimizdən soruşun.”

Bu açıqlamalar ABŞ-ın son illərdə xüsusilə süni intellekt sahəsində əldə etdiyi üstünlüklə hərbi gücünü daha da möhkəmləndirdiyi bir dövrdə səsləndirilib. Palantir şirkəti bu sahədə əsas oyunçulardan biri hesab olunur və ABŞ ordusu ilə təhlükəsizlik qurumlarına hədəflərin müəyyənləşdirilməsi, sahə məlumatlarının emalı və mürəkkəb əməliyyatların idarə olunmasında mühüm dəstək verir.

Analitiklər hesab edir ki, bu texnoloji inkişaf müharibənin ənənəvi qaydalarını dəyişdirib və İran kimi köhnə və səmərəsiz strukturlara söykənən sistemləri daha həssas vəziyyətə salıb. Onların fikrincə, son qarşıdurmalar süni intellektə əsaslanan hərbi gücün dəqiq və həlledici zərbələr endirə bildiyini göstərib.

Bu kontekstdə Trampın sözləri sadəcə bir şirkətin tərifi deyil, eyni zamanda ABŞ-ın düşmənlərinə ünvanlanan açıq mesaj kimi qiymətləndirilir. Bu mesaj göstərir ki, Vaşinqton gərginlik artacağı halda sürətli, dəqiq və sarsıdıcı zərbələr endirmək qabiliyyətinə malikdir.

Bu çıxış həm də ABŞ-ın İran hakimiyyətinə qarşı texnoloji üstünlüyünü nümayiş etdirmək və tərəflər arasındakı dərin fərqi qabartmaq məqsədi daşıyan strateji mesaj kimi dəyərləndirilir.

Günaz TV
R.G

GUNAZ.TV

SON XƏBƏRLƏR