İsrailin ABŞ-ın CENTCOM-u ilə hərbi koordinasiyası yeni mərhələyə keçdi

SON XƏBƏRLƏR

İsrailin ABŞ-ın CENTCOM-u ilə hərbi koordinasiyası yeni mərhələyə keçdi

2026.04.12, 22:38

Gunaz.tv

Gunaz TV-nin məlumatına görə, İran və ABŞ arasında İslamabadda keçirilən danışıqların uğursuzluğundan sonra İsrail ordusu ABŞ-ın Mərkəzi Komandanlığı (CENTCOM) ilə əməliyyat əməkdaşlığını görünməmiş səviyyədə artırıb və eyni zamanda bütün cəbhələrdə xəbərdarlıq səviyyəsini maksimum həddə qaldırıb.

İsrail hərbi mənbələrinin bildirdiyinə görə, bu yaxın koordinasiya danışıqların dalana dirənməsindən dərhal sonra başlayıb və real vaxt rejimində məlumat mübadiləsi, kəşfiyyat uçuşlarının koordinasiyası, eləcə də Hörmüz boğazı və Fars körfəzi üzərində nəzarəti əhatə edir.

Mənbələr vurğulayıb ki, CENTCOM ilə bu səviyyədə əməkdaşlıq “nadir hallarda görülən” xarakter daşıyır və məqsəd əməliyyat boşluqlarını aradan qaldırmaq, mümkün ssenarilərə reaksiya sürətini artırmaqdır.

Eyni zamanda İsrail ordusu müxtəlif cəbhələrdə hazırlıq səviyyəsini yüksəldib. Bir hərbi mənbə bildirib: “ABŞ ilə koordinasiya ən yüksək səviyyədə aparılır ki, heç bir əməliyyat boşluğu qalmasın.”

Bu addımlar fonunda qeyd olunur ki, hələlik hərbi əməliyyatların başlanması ilə bağlı yekun qərar qəbul edilməyib, lakin bütün mümkün ssenarilər üçün tam hazırlıq vəziyyəti qorunur.

Günaz TV
R.G

GUNAZ.TV

SON XƏBƏRLƏR