Trampın “Hizbullah terror qrupunun Livandan çıxarılması” planı da işə düşdü

SON XƏBƏRLƏR

Trampın “Hizbullah terror qrupunun Livandan çıxarılması” planı da işə düşdü

2026.04.14, 23:22

Gunaz.tv

“Günaz TV”nin məlumatına görə, Livan dosyesində diplomatik və hərbi hərəkətliliyin artması fonunda Donald Trampın Hizbullahın aradan qaldırılması və İranın bu ölkədəki təsirinin azaldılması üçün “güc vasitəsilə sülh” siyasətinin icra olunduğunu göstərən əlamətlər üzə çıxır; bu strategiya hərbi təzyiq və məcburedici diplomatiyanın birləşməsinə əsaslanır.

Bu çərçivədə Tramp administrasiyasına yaxın mənbələr vurğulayırlar ki, əsas məqsəd ərəb siyasi leksikonunda “İran baltacısı” kimi tanınan anlayışa son qoymaqdır; bu, İranın bölgədəki proksi qüvvələr şəbəkəsinə, xüsusilə Hizbullaha yönəldilən təhqiramiz termindir və “İrana bağlı quldur və banditlər” mənasında işlədilir.

Eyni zamanda Livan parlamentinin sədri “Nəbih Berri”nin rolu da İranın bu ölkənin rəsmi strukturlarındakı təsirinin əsas sütunlarından biri kimi diqqət mərkəzinə gətirilib. Berri ki, Livanda şiə siyasi axınının “siyasi xaç atası” kimi təqdim olunur, son 30 ildə pərdəarxasında geniş təsirə malik olub və müşahidəçilərin fikrincə, Hizbullahın rəsmi institutlarla əlaqəsinin ən vacib halqalarından biridir.

Bu yanaşmaya əsasən Vaşinqton və Təl-Əviv hesab edir ki, “hamı Hizbullahın aradan qaldırılması ilə razıdır, sadəcə atəşkəslə yox”; bu mövqe göstərir ki, yekun məqsəd bu qrupun tam silahsızlaşdırılması və Livanın siyasi və təhlükəsizlik sistemindən çıxarılmasıdır, müvəqqəti atəşkəs deyil.

Trampın “güc vasitəsilə sülh” şüarı üzərində qurulan siyasəti əvvəlcə maksimum hərbi və təhlükəsizlik təzyiqləri ilə İranı və onun regional qollarını sıxışdırmağı, daha sonra isə diplomatiya yolu ilə istənilən nəticəni diktə etməyi hədəfləyir. Bu çərçivədə Hizbullaha qarşı təzyiqin artırılması, İranın Livandakı “əsas qolu” kimi, bu strategiyanın prioritet istiqamətinə çevrilib.

Eyni zamanda ABŞ danışıqlara ev sahibliyi etməklə və Livan hökumətinə siyasi-iqtisadi təzyiqlər göstərməklə bu ölkəni Hizbullahın silahsızlaşdırılması istiqamətinə yönəltməyə çalışır.

Günaz TV
R.G