Contact Us

SON XƏBƏRLƏR

İsrail: “Hizbullah” və İran Livandan çıxarılmalıdır

2026.04.17, 11:42
İsrail: “Hizbullah” və İran Livandan çıxarılmalıdır

Gunaz.tv

“Günaz TV”nin məlumatına görə, İsrailin BMT-dəki səfiri Deni Danon “Fox” şəbəkəsinə müsahibəsində bildirib: “Livan hökumətinin atəşkəsi icra etmək imkanları məhduddur, lakin biz Livanın müstəqilliyini və ‘Hizbullah’ ilə İranın bu ölkədən çıxarılmasını istəyirik.”

Atəşkəsin qüvvəyə minməsi ilə eyni vaxtda İsrail ordusu açıqlayıb ki, qüvvələri Livanın cənubunda mövqelərində qalacaq və sakinlərdən Litani çayının cənubundakı ərazilərə qayıtmamağı tələb edib. Livan ordusu da insanlara cənub kəndlərinə qayıtmamaq və İsrail qüvvələrinin yerləşdiyi bölgələrə yaxınlaşmamaq barədə xəbərdarlıq edib, həmçinin partlamamış sursatların mövcudluğu ilə bağlı xəbərdarlıq verib.

Atəşkəs rəsmi olaraq gecə yarısından qüvvəyə minsə də, köçkünlərin nə vaxt geri dönəcəyi hələ dəqiqləşməyib. “The Times of Israel” qəzeti bu atəşkəsin icra mərhələsinə keçdiyini, lakin gələcəyinin hələ də qeyri-müəyyən olduğunu yazıb.

Eyni zamanda, İsrail Silahlı Qüvvələrinin Baş Qərargah rəisi 12 günlük müharibə və ABŞ ilə İsrailin İran əleyhinə birgə hücumlarına toxunaraq deyib: “Biz misilsiz güclə İran hakimiyyəti və onun illər boyu İsrailə qarşı qurduğu proksi strukturların əsas nüvəsinə zərbə vurduq və təhdidləri azaltdıq”; bu açıqlama İranın bölgədəki sabitliyi pozan roluna birbaşa işarə kimi qiymətləndirilir.

 

Günaz TV
R.G

Açar Sözlər :

SEÇİLMİŞ XƏBƏRLƏR

Çox oxunanlar