İslamabad Tehran–Vaşinqton danışıqları ərəfəsində

SON XƏBƏRLƏR

İslamabad Tehran–Vaşinqton danışıqları ərəfəsində

2026.04.18, 09:17

Gunaz.tv

Gunaz TV-nin məlumatına görə, İran dövlətinin rəsmi mediası bildirib ki, İran və ABŞ arasında növbəti danışıqların İslamabadda keçirilməsi ilə bağlı ehtimalların artması fonunda Pakistanın paytaxtında “təhlükəsizlik və nəqliyyat tədbirləri” gücləndirilib.

Məlumata əsasən, İslamabad “böyük beynəlxalq tədbir”ə hazırlaşır; bu isə dolayısı ilə Yaxın Şərqdəki proseslərlə bağlı danışıqlara ev sahibliyi ehtimalını gücləndirir.

İRNA yazıb: “Pakistan rəsmiləri bu danışıqların keçiriləcəyini hələ təsdiq və ya təkzib etməyib, lakin yerində müşahidələr İslamabadın Yaxın Şərqdəki hadisələrlə bağlı bir tədbirə ev sahibliyinə hazırlaşdığını göstərir.”

Rəsmi təsdiqin olmamasına baxmayaraq, paytaxtda təhlükəsizlik tədbirlərinin artırılması və hazırlıq vəziyyəti İran–ABŞ danışıqları ilə bağlı pərdəarxası hərəkətlərin göstəricisi kimi qiymətləndirilir; bu proses isə hələ də qeyri-müəyyən və şəffaflıqdan uzaq şəkildə davam edir.

Günaz TV
R.G

GUNAZ.TV

SON XƏBƏRLƏR