ABŞ senatoru: İran rejimi ilə “Əl-Qaidə” arasında fərq yoxdur; “nüvə sazişi BƏRCAM” kimi razılaşma olmamalıdır

SON XƏBƏRLƏR

ABŞ senatoru: İran rejimi ilə “Əl-Qaidə” arasında fərq yoxdur; “nüvə sazişi BƏRCAM” kimi razılaşma olmamalıdır

2026.04.20, 11:26

Gunaz.tv

Gunaz TV-nin məlumatına görə; Lindsey Graham, ABŞ-ın Cənubi Karolina ştatından respublikaçı senator bildirib ki, “ağıllı mühasirə” İran iqtisadiyyatını sarsıdıb və Sepahın beynəlxalq gəmiçiliyə hücumları bu qurumun “çarəsizliyinin” göstəricisidir.

Graham bazar günü “X” sosial şəbəkəsində yazıb: “Ağıllı mühasirə İran iqtisadiyyatını məhv edir. Sepahın beynəlxalq gəmiçiliyə hücumu çarəsizliyin əlamətidir.”

O, daha sonra birbaşa Donald Trump-a müraciət edərək bildirib: “Cənab Prezident: Hörmüz boğazına nəzarəti ələ alın və mühasirəni qoruyun. Bu halda bütün kartlar sizin əlinizdə olacaq.”

ABŞ senatoru uranın zənginləşdirilməsi məsələsində də sərt mövqe sərgiləyərək qeyd edib: “Əgər zənginləşdirmə hüququnun tanınmasının, hətta müvəqqəti dayandırma ilə belə pis fikir olduğunu düşünürsünüzsə, haqlısınız. İran rejimi ilə Əl-Qaidə arasında fərq yoxdur. Onların məqsədləri eynidir.”

Graham vurğulayıb: “Amerikalıların qanı əllərində olan bu terrorçu rejimin zənginləşdirmə hüququ yoxdur. Onlar aldatma və yalan danışırlar” və əlavə edib: “Donald Trampın prezidentliyi dövründə ‘İran nüvə sazişi (JCPOA və ya Bərcam)’ kimi razılaşma baş verməməlidir.”

Bu açıqlamalar Grahamın ABŞ-ın “maksimum təzyiq” və “dəniz mühasirəsi” siyasətinə verdiyi dəstəyin davamı kimi qiymətləndirilir; onun fikrincə, Hörmüz boğazına nəzarətin saxlanılması Vaşinqtonun İranı geri çəkilməyə məcbur etmək üçün əsas rıçaqdır.

Graham daha əvvəl dəfələrlə Fars körfəzi və Hörmüz boğazının ABŞ və müttəfiqlərinin tam nəzarətinə keçməsini tələb etmiş və Sepahın gəmiçiliyə hücumlarını “açıq təxribat” kimi qiymətləndirmişdi.

Bu mövqe Hörmüz boğazının hələ də “kritik” vəziyyətdə olduğu və bu strateji marşrutda gəmi trafikinin ciddi şəkildə azaldığı bir vaxtda səsləndirilir.

Günaz TV
R.G

GUNAZ.TV

SON XƏBƏRLƏR