İrandan bölgə ölkələrinə təhdidlər - İranlı deputat Ərəb krallarını təhdid edib

SON XƏBƏRLƏR

İrandan bölgə ölkələrinə təhdidlər - İranlı deputat Ərəb krallarını təhdid edib

2026.05.01, 12:05

İranın mühafizəkar qrupdan olan deputatı İslam Respublikasına dəstək mitinqində çıxış edərək regiondakı ərəb rəhbərlərini təhdid edib və bildirib ki, İranın yüksək səviyyəli liderləri hədəfə alınarsa, onların sarayları təhlükəsizdə olmayacaq.

Gunaz.tv

Parlamentin milli təhlükəsizlik və xarici siyasət komitəsinin üzvü Mahmud Nəbəviyan deyib ki, region ölkələri öz ərazilərindəki hərbi bazaların İrana qarşı istifadə edilməsinin qarşısını almalıdır.

“Əgər bizim böyük liderlərimizə qarşı hər hansı hücum həyata keçirilsə, regiondakı ərəb ölkələrinin heç bir kralı və onların sarayları təhlükəsizdə olmayacaq və hamısı cəhənnəmə göndəriləcək,” – deyə Nəbəviyan bildirib.

Qeyd edək ki, başqa bir deputat, Əli Xezrian isə İranın nüvə məsələsini bağlanmış və müzakirəyə açıq olmayan hesab etdiyini bildirib.

O əlavə edib ki, hakimiyyət yalnız sanksiyalar qaldırılacağı təqdirdə müharibə təzminatları və Hörmüzdən keçid məsələləri üzrə danışıqlar aparacaq.

“Biz ABŞ-ı güc mövqeyindən danışıqlar masasına gətirəcəyik,” – deyə Əli Xezrian bildirib və xəbərdarlıq edib ki, əməkdaşlığı rədd edən region ölkələri eskalasiya xarakterli cavablarla üzləşə bilər.

- Cəfər Cəfərli

GUNAZ.TV

SON XƏBƏRLƏR