Tramp: ya razılaşma, ya da şiddətli bombardman

SON XƏBƏRLƏR

Tramp: ya razılaşma, ya da şiddətli bombardman

2026.05.01, 19:58

Gunaz.tv

Gunaz TV-nin məlumatına görə, ABŞ prezidenti Donald Tramp cümə günü bildirib ki, İranın müharibəni bitirmək üçün təqdim etdiyi son təklifdən razı deyil və vurğulayıb ki, Tehranın qarşısında yalnız iki seçim var: “razılaşma və ya şiddətli bombardman”.

Tramp Ağ Evin həyətində jurnalistlərə deyib: “Seçimlər var. Biz gedib onları ciddi şəkildə bombardman edib işlərini birdəfəlik bitirmək istəyirik? Yoxsa bir razılaşma əldə etməyə çalışmaq istəyirik? Seçimlər bunlardır.”

O həmçinin təsdiqləyib ki, cümə axşamı ABŞ-ın Mərkəzi Komandanlığı – CENTCOM tərəfindən hərbi seçimlərlə bağlı yenilənmiş hesabat alıb.

ABŞ prezidenti daha sonra gərginliyin artmamasına üstünlük verdiyini bildirərək deyib: “İnsani baxımdan bunu etməməyi üstün tutaram. Amma məsələ budur: biz güclə daxil olub onları tamamilə məhv etmək istəyirik, yoxsa başqa yol seçmək istəyirik?”

Tramp eyni zamanda İranın razılaşmaya nail olmaq qabiliyyətinə şübhə ilə yanaşaraq əlavə edib: “Onlar razılaşmaq istəyirlər, amma mən bundan razı deyiləm.” O həmçinin vurğulayıb ki, hazırda “onların təklif etdiklərindən razı deyiləm”.

O deyib: “Biz hazırda bütün danışıqları telefon vasitəsilə aparırıq. Onlar müəyyən irəliləyişlər əldə ediblər, amma əmin deyiləm ki, heç vaxt nəticəyə çata biləcəklər.”

Tramp həmçinin İranda rəhbərlik vəziyyətinə toxunaraq bildirib: “Rəhbərlik çox uyğunsuzdur. İki-üç qrup var, bəlkə də dörd, və rəhbərlik çox parçalanıb. Bununla belə, hamı razılaşma istəyir, amma hər şeyləri qarışıqdır.”

Tramp bundan əvvəl nümayəndələrinin Pakistana səfərini ləğv edib və bildirib ki, İran danışıqları telefon vasitəsilə davam etdirə bilər.

GünAzTV
R.G

GUNAZ.TV

SON XƏBƏRLƏR