Tramp İranla müharibənin bitməsi üçün şərtini açıqladı

SON XƏBƏRLƏR

Tramp İranla müharibənin bitməsi üçün şərtini açıqladı

2026.05.03, 09:06

Tramp: müharibə yalnız nüvə proqramı dayandırılarsa bitəcək

Gunaz.tv

Gunaz TV-nin məlumatına görə: ABŞ prezidenti Donald Tramp mühafizəkar “Newsmax” telekanalına müsahibəsində İranla müharibənin başa çatması üçün “yeganə şərt” kimi Tehranın nüvə silahına çıxışının tam qarşısının alınmasını göstərib.

Tramp deyib: “ABŞ İranın ordusuna və rəhbərliyinə qəti zərbə endirib”.

O vurğulayıb: “Bu qarşıdurma yalnız Tehranın nüvə silahına çıxışının tam qarşısı alındıqda başa çatacaq”.

ABŞ prezidenti bu münaqişədə qələbə iddiası ilə əlavə edib: “Biz faktiki olaraq qalib gəlmişik, amma istəyirəm bu qələbə daha böyük olsun. Onların dəniz qüvvələrini, hava qüvvələrini və hər şeyini məhv etmişik. Əgər onların hava hücumundan müdafiə sistemlərinə, radarlarına və komandanlığına baxsanız, hamısı məhv edilib. Biz hər şeyi məhv etdik”.

Tramp İranı “hərbi və iqtisadi baxımdan ciddi şəkildə zəifləmiş” kimi qiymətləndirərək deyib: “Onların nüvə proqramına qarşı yalnız güclü təminatlar dayanıqlı nəticə verə bilər”.

O həmçinin İranın bərpa imkanlarının azaldığını iddia edərək bildirib: “Əgər indi geri çəkilsək, onların yenidən özlərini bərpa etməsi 20 il çəkəcək, əgər ümumiyyətlə bacarsalar”.

Bununla belə, Tramp qeyd edib: “Əmin olmalıyıq ki, onlar heç vaxt nüvə silahı əldə etməyəcəklər”.

O əlavə edib: “İran nüvə silahı əldə edərsə, ondan istifadə edəcək” və deyib: “Mən onlarla işləmişəm və onları yaxşı tanıyıram; nüvə silahından istifadə edəcəklər və biz onlara belə bir imkan verməyəcəyik”.

Tramp həmçinin İran üzərində iqtisadi təzyiqlərə toxunaraq bildirib: “Onların iqtisadiyyatı çökür və inflyasiya təxminən 100 faizə yaxındır. Onlar heç bir neft ixrac edə bilmirlər, çünki tətbiq olunan blokada 100 faiz effektivdir”.

O, beynəlxalq reaksiyaların “ümumilikdə dəstəkləyici” olduğunu desə də, “müttəfiqlərin daha qəti addımlar atmamasını” tənqid edib və xüsusilə NATO ölkələrini qeyd edib.

Tramp sonda deyib: “Düşünürəm ki, etdiyim iş çox populyardır. Dünya mənə təşəkkür edir, çünki bunu etməli deyildim; digər prezidentlər bunu çox daha əvvəl etməli idi və digər ölkələr də hərəkətə keçməli idi”.

GünAzTV
R.G

GUNAZ.TV

SON XƏBƏRLƏR