Dünya İranın BƏƏ-yə hücumlarını pislədi

SON XƏBƏRLƏR

Dünya İranın BƏƏ-yə hücumlarını pislədi

2026.05.05, 17:21

Gunaz.tv

İranın Birləşmiş Ərəb Əmirliklərinə raket və pilotsuz uçuş aparatları ilə həyata keçirdiyi hücumlardan sonra Tehran əleyhinə qlobal səviyyədə kəskin reaksiyalar başlayıb və bu addımlar bölgədə gərginliyin “təhlükəli şəkildə artması” kimi qiymətləndirilib.

Gunaz TV-nin məlumatına görə, Ərəb körfəzi ölkələri və beynəlxalq güclər İranın son hücumlarını dövlətlərin suverenliyinin pozulması və regional təhlükəsizlik üçün ciddi təhdid kimi dəyərləndiriblər. Bu hücumlar Hörmüz boğazında gərginliyin və İranla ABŞ arasında birbaşa toqquşmaların artdığı bir vaxtda baş verib.

Məlumatlara əsasən, İranın hücumları BƏƏ-də həyati infrastruktur və enerji obyektlərini hədəfə alıb və münaqişənin digər ölkələrə yayılması ilə bağlı narahatlıqları artırıb.

Eyni zamanda, bölgə ölkələrinin rəsmiləri bu addımları “beynəlxalq hüququn açıq pozuntusu” adlandıraraq özlərini müdafiə etmək hüquqlarını vurğulayıblar. Analitiklər xəbərdarlıq edir ki, bu prosesin davamı Yaxın Şərqdə daha geniş qeyri-sabitliyə və qlobal enerji bazarında ciddi pozuntulara səbəb ola bilər.

Bu hadisələr İranla ABŞ arasında kövrək atəşkəsin dağılma həddinə çatdığı və qarşılıqlı hücumların bölgəni daha böyük böhrana sürüklədiyi bir şəraitdə baş verir.

GünAzTV
R.G

2026.05.05, 14:13

Şahbaz Şərif BƏƏ-yə hücumları qınadı

2026.05.05, 11:12

GUNAZ.TV

SON XƏBƏRLƏR