İranın Dünya Kuboku üçün yeni şərti: ABŞ bunu qəbul edəcək?

SON XƏBƏRLƏR

İranın Dünya Kuboku üçün yeni şərti: ABŞ bunu qəbul edəcək?

2026.05.09, 18:51

İran ABŞ-dan SEPAH-da xidmət etmiş futbolçular üçün viza istəyib.

Gunaz.tv

Gunaz.tv xəbər verir ki, İran Futbol Federasiyası şənbə günü milli komandanın Dünya Kubokunda “mütləq iştirak edəcəyini” açıqlasa da, turnirdə iştirak üçün bir sıra şərtlər irəli sürüb. Bu şərtlər arasında SEPAH-da xidmət etmiş oyunçular və texniki heyət üçün ABŞ vizasının verilməsi də yer alıb.

Federasiyanın açıqlamasında bildirilib ki, ABŞ “bütün oyunçular və texniki heyət üzvləri, xüsusilə də SEPAH-da xidmət etmiş şəxslər” üçün viza verməlidir.

İran Futbol Federasiyası xüsusi olaraq milli komandanın təcrübəli futbolçuları Mehdi Taremi və Ehsan Hacısəfinin adını çəkib. Bildirilib ki, hər iki futbolçu hərbi xidmət dövrünü İran İnqilab Keşikçiləri Korpusunda keçirib.

Federasiya eyni zamanda ABŞ polisindən “ən yüksək təhlükəsizlik və mühafizə protokolları” tələb edib və bu tədbirlərin “mümkün qalmaqal və problemlərin” qarşısını almalı olduğunu bildirib.

İran rəsmilərinin bu açıqlaması İran qadın futbol millisinin Avstraliyada keçirilən Asiya Kuboku zamanı baş verən hadisələrə işarə kimi qiymətləndirilir. Müharibənin ilk günlərinə təsadüf edən həmin turnirdən sonra komandanın bəzi üzvləri Avstraliyaya sığınmışdı.

İran Futbol Federasiyası həmçinin İran millisinin oyunları keçiriləcək stadionlarda “yalnız rəsmi İran bayrağının” gətirilməsinə icazə verilməsini istəyib.

Federasiya prezidenti Mehdi Tac bundan əvvəl də eyni mövqeni səsləndirmişdi. O, təxminən 10 gün əvvəl SEPAH-ın Kanadada terror təşkilatı siyahısında olması səbəbindən FIFA konqresində iştirak edə bilməmişdi.

Dünya Kuboku bir neçə həftə sonra ABŞ, Kanada və Meksikanın birgə ev sahibliyi ilə başlayacaq. İran millisinin bütün oyunları ABŞ şəhərlərində keçiriləcək.

GünAzTV
R.G

GUNAZ.TV

SON XƏBƏRLƏR