İsrail Trampın Tehranla “yumşaq razılaşma”sından narahatdır

SON XƏBƏRLƏR

İsrail Trampın Tehranla “yumşaq razılaşma”sından narahatdır

2026.05.09, 20:59

Gunaz.tv

Gunaz TV-nin xəbərinə görə, İsrail rəsmiləri bildirirlər ki, bəzi amerikalı rəsmilərin İranla razılaşma barədə nikbin açıqlamalarına baxmayaraq, Tehranla Vaşinqton arasında əsas fikir ayrılıqları hələ də qalır və İsrail Tramp administrasiyasının siyasi uğur əldə etmək üçün İrana böyük güzəştlər edə biləcəyindən narahatdır.

“Jerusalem Post” qəzetinin yaydığı məlumata əsasən, İsrail hesab edir ki, İranın sentrifuqalarını, nüvə infrastrukturunu və uran zənginləşdirmə imkanlarını qoruyub saxlamasına icazə verən hər hansı razılaşma gələcəkdə Tehranın hərbi nüvə potensialına çatmaq yolunu açıq saxlaya bilər.

Donald Tramp yaxınlarda “razılaşma əldə olunması ehtimalının çox yüksək olduğunu” demiş və hətta İranın zənginləşdirilmiş uran ehtiyatlarının ABŞ-a köçürülməsi məsələsini gündəmə gətirmişdi. Eyni zamanda, tərəflərin 14 maddəlik ilkin razılaşmaya yaxın olduqları barədə xəbərlər yayılıb.

Bununla belə, İsrail bildirir ki, qəfil yoxlamalar, uran zənginləşdirilməsinin daimi dayandırılması və İranın bütün zənginləşdirilmiş uran ehtiyatlarının ölkədən çıxarılması kimi əsas məsələlər hələ də həll olunmayıb.

İsrailli mənbələr həmçinin xəbərdarlıq ediblər ki, mərhələli razılaşma praktikada təhlükəli və daimi bir sazişə çevrilə bilər; elə bir saziş ki, sanksiyaları yumşaldacaq, amma İranın nüvə imkanlarını qoruyub saxlayacaq.

GünAzTV
R.G

GUNAZ.TV

SON XƏBƏRLƏR