Tramp: İranda daha çox hədəfimiz var

SON XƏBƏRLƏR

Tramp: İranda daha çox hədəfimiz var

2026.05.10, 22:05

Gunaz.tv

Gunaz.tv-nin məlumatına görə, Donald Tramp ABŞ-ın İrana qarşı hərbi əməliyyatlarının tam başa çatmadığını və Vaşinqtonun hələ də hücum edə biləcəyi başqa hədəflərin olduğunu açıqlayıb.

Tramp amerikalı aparıcı Şeril Etkissonla müsahibəsində deyib: “Xeyr, mən demədim ki, hər şey bitib. Mən dedim ki, onlar məğlub olublar, amma bu, hər şeyin sona çatdığı anlamına gəlmir. Biz daha iki həftə də əməliyyat aparıb bütün hədəfləri vura bilərik.”

O, ABŞ və İsrailin İrana qarşı son hücumlarına toxunaraq bildirib: “Ehtimal ki, hədəflərin 70 faizi vurulub. Amma bizim hələ də hücum edə biləcəyimiz başqa hədəflər var.”

Tramp əlavə edib ki, yeni hücumlar həyata keçirilməsə belə, İranın zərər görən obyektlərini yenidən bərpa etməsi “illərlə vaxt aparacaq.”

ABŞ prezidenti İranın zənginləşdirilmiş uran ehtiyatları barədə də danışıb:“Biz onu müəyyən mərhələdə əldə edəcəyik... Biz oranı nəzarətdə saxlayırıq.”

O əlavə edib: “Əgər kimsə həmin əraziyə yaxınlaşsa, bizim xəbərimiz olacaq və onları məhv edəcəyik.”

Trampın açıqlamaları Tehran və Vaşinqtonun 40 günlük müharibədən sonra əldə olunan atəşkəsin ardından danışıqları davam etdirdiyi bir vaxta təsadüf edir. Buna baxmayaraq, ABŞ prezidentinin son təhdidləri iki tərəf arasında hərbi gərginliyin hələ də davam etdiyini göstərir.

GünAzTV
R.G

GUNAZ.TV

SON XƏBƏRLƏR