Netanyahu: İranla savaş bitməyib

SON XƏBƏRLƏR

Netanyahu: İranla savaş bitməyib

2026.05.10, 22:38

Gunaz.tv

Gunaz.tv-nin məlumatına görə, Benjamin Netanyahu İsrail və ABŞ-ın İrana qarşı birgə apardığı müharibənin tam başa çatmadığını və hələ də “yerinə yetirilməli işlərin qaldığını” bildirib.

Netanyahu CBS kanalının “60 Minutes” proqramına müsahibəsində deyib: “Biz onların imkanlarının böyük hissəsini zəiflətmişik, amma onların hamısı hələ də mövcuddur və görülməli işlər qalır.”

O, İranın nüvə proqramına toxunaraq vurğulayıb ki, Tehran nə zənginləşdirilmiş uran ehtiyatlarını təhvil verib, nə nüvə obyektlərini söküb, nə də bölgədəki proksi qüvvələrə dəstəyini və ballistik raket proqramını dayandırıb.

İsrailin baş naziri əlavə edib ki, İranın zənginləşdirilmiş uranı “fiziki şəkildə” ölkədən çıxarıla bilər və Donald Trumpın da bu mövqeyi dəstəklədiyini bildirib.

Netanyahu deyib: “Əgər razılaşma olarsa və ora daxil olub həmin materialları çıxarmaq mümkün olsa, niyə də yox? Bu, ən yaxşı yoldur.”

ABŞ və İsrailin İrana qarşı başladığı müharibə 40 günlük qarşıdurmadan sonra atəşkəslə dayandırılıb. Buna baxmayaraq, İsrail və ABŞ rəsmiləri İranın nüvə və hərbi imkanlarının tam məhv edilmədiyini vurğulamaqda davam edirlər.

GünAzTV
R.G

GUNAZ.TV

SON XƏBƏRLƏR