İran Təbriz Universitetinin gənc istedadını edam etdi

SON XƏBƏRLƏR

İran Təbriz Universitetinin gənc istedadını edam etdi

2026.05.11, 10:10

İran rejimi aylarla təkadamlıq kamerada saxlanılan İrfan Şəkurzadəni edam edib.

Gunaz.tv

Gunaz.tv-nin məlumatına görə, İran hakimiyyəti bazar ertəsi səhər İrfan Shakourzadeh adlı gənc və istedadlı universitet məzununu “casusluq” ittihamı ilə edam edib. Bu hadisə İranda gənclərə, tələbələrə və elmi kadrlara qarşı sistemli təzyiqlərlə bağlı narahatlıqları bir daha artırıb.

1997-ci il təvəllüdlü İrfan Şəkurzadə Təbriz Universitetinin elektrik mühəndisliyi fakültəsinin məzunu idi. O, yüksək nəticə göstərərək Tehran Elm və Sənaye Universitetində aerokosmik mühəndislik – peyk texnologiyaları ixtisası üzrə təhsilini davam etdirmiş və seçilən tələbələrdən biri kimi tanınmışdı.

İran məhkəmə sisteminə bağlı Mizan News Agency iddia edib ki, İrfan Şəkurzadə ABŞ və İsrail üçün “birgə casusluq” fəaliyyətində iştirak edib və “məxfi elmi məlumatların ötürülməsində” rol oynayıb.

Bununla belə, hüquq müdafiəçiləri bildirirlər ki, o, 2025-ci ilin yanvar ayında SEPAH kəşfiyyatı tərəfindən saxlanılıb və təxminən 9 ay təkadamlıq kamerada işgəncə və ağır təzyiq altında “məcburi etiraf” verməyə məcbur edilib.

Məlumatlara görə, İrfan Şəkurzadə peyk test proqramları və peyklərin mövqe idarəetməsi sahəsində elmi fəaliyyət göstərirdi. Onun magistr işi “atmosfer sürüklənməsindən istifadə etməklə peyk sistemlərinin nisbi mövqe nəzarəti” mövzusunda olub.

Bu gənc istedadın edamı İran hakimiyyətinin son aylarda müxaliflərə, etirazçılara və ixtisaslı gənclərə qarşı başladığı geniş repressiya dalğasının davamı kimi qiymətləndirilir.

GünAzTV
R.G

GUNAZ.TV

SON XƏBƏRLƏR