Livan Vaşinqtondan kömək istədi

SON XƏBƏRLƏR

Livan Vaşinqtondan kömək istədi

2026.05.11, 21:19

Livan İsrailin hücumlarını dayandırmaq üçün ABŞ-dan yardım istəyib.

Gunaz.tv

Gunaz.tv-nin məlumatına görə, Livan prezidenti bildirib ki, Beyrut Vaşinqtondan İsrailə təzyiq göstərərək atəşkəsə əməl etməsini və ölkənin cənubuna hücumları dayandırmasını tələb edib.

Livan hökuməti bazar ertəsi açıqlayıb ki, yalnız şənbə günündən bu yana İsrailin hücumları nəticəsində 74 nəfər həyatını itirib.

Donald Trump tərəfindən təxminən bir ay əvvəl elan olunan atəşkəsə baxmayaraq, İsrailin Livanın cənubuna hücumları davam edir və onlarla yaşayış evi ilə mülki infrastruktur dağıdılıb.

Gərginlik İranın dəstəklədiyi Hizbullah qruplaşmasının Tehranı müdafiə etmək məqsədilə İsrailə raket hücumları həyata keçirməsindən sonra daha da artıb.

Livan rəsmilərinin məlumatına görə, son bir ay yarım ərzində İsrail hücumlarında ümumilikdə 2869 nəfər ölüb. Lakin ölənlər arasında neçə nəfərin Hizbullah üzvü olduğu açıqlanmayıb.

Eyni zamanda bildirilir ki, İran ABŞ-a təqdim etdiyi təklif paketində İsrailin Livana hücumlarının dayandırılmasını da tələb edib. Tramp isə bu tələbi “tamamilə qəbuledilməz” adlandırıb.

GünAzTV
R.G

GUNAZ.TV

SON XƏBƏRLƏR