Tramp kürdləri xəyanətdə suçladı

SON XƏBƏRLƏR

Tramp kürdləri xəyanətdə suçladı

2026.05.11, 23:20

Trampdan kürd qruplarına sərt ittiham: “Onlar silahları xalqa vermədilər”

Gunaz.tv

Tramp kürd qruplarını sərt tənqid etdi: “Kürdlər silahları xalqa çatdırmadı, özləri üçün saxladı.”

Gunaz TV-nin məlumatına görə, ABŞ prezidenti Donald Tramp İran daxilindəki etirazçılara dəstək vermədiklərini iddia edərək kürd qruplarını sərt şəkildə tənqid edib və ABŞ tərəfindən göndərilən silahların xalqa çatdırılmadığını bildirib.

Tramp bazar ertəsi çıxışında deyib: “Biz düşünürdük ki, kürdlər silahları İran xalqına çatdıracaq, amma kürdlər bizi məyus etdi. Kürdlər yalnız alan tərəfdir.”

O əlavə edib ki, ABŞ İran hakimiyyətinə qarşı olan qüvvələrə çatdırılması üçün “müəyyən miqdarda silah və sursatı” kürd qruplarına verib, lakin həmin qruplar silahları təhvil verməyərək özlərində saxlayıblar.

ABŞ prezidenti daha əvvəlki çıxışlarında da kürdlərin silahların ötürülməsindən imtina etdiyini bildirmişdi.

Trampın açıqlamaları İranla müharibənin ilk həftələrində silahlı kürd qruplarının İran ərazisinə daxil ola biləcəyi ilə bağlı yayılan xəbərlərin fonunda səslənib. Tramp əvvəlcə bu ehtimalı dəstəkləsə də, sonradan müharibənin “daha mürəkkəb hala gəlməsini” istəmədiyini deyib.

Trampın son açıqlamaları siyasi və media dairələrində geniş reaksiyalara səbəb olub və İran hadisələrində kürd qruplarının rolu ilə bağlı müzakirələri yenidən gündəmə gətirib.

GünAzTV
R.G

GUNAZ.TV

SON XƏBƏRLƏR