Təbriz millət vəkili: “Mis Süngünun verilməsi Azərbaycan xalqına zülmdür”

SON XƏBƏRLƏR

Təbriz millət vəkili: “Mis Süngünun verilməsi Azərbaycan xalqına zülmdür”

2026.05.12, 22:05

Vərziqanin Mis Süngünun futbol klubu Güney Azərbaycan xalqından alınır.

Gunaz.tv

Gunaz TV-nin məlumatına görə, Təbrizin millət vəkili Əlirza Novin İran Mis Şirkətinin Vərziqandakı Mis Süngün futbol komandasını özəlləşdirmə adı altında təhvil vermə planına sərt etiraz edərək bunu Azərbaycan xalqına qarşı ayrı-seçkilik və haqsızlıq adlandırıb.

Novin Sənaye, Mədən və Ticarət Nazirliyi ilə Gənclər və İdman Nazirliyinə rəsmi etiraz göndərərək bildirib ki, Şərqi Azərbaycan Futbol Federasiyasının açıq etirazına baxmayaraq bu addım atılır.

O deyib: “Biz özəl sektorun idmana yatırımını dəstəkləyirik, amma dövlət büdcəsinin aradan qaldırılması bahasına yox.”

Təbriz təmsilçisi vurğulayıb ki, Kirmanın Mis şirkəti 16 idman növündə komandaları maliyyələşdirdiyi halda, Azərbaycan üçün yeganə mühüm idman dayaqlarından biri olan Mis Süngün hədəfə alınması açıq ayrı-seçkilikdir.

Novin bildirib: “İran Mis şirkəti niyə Şərqi Azərbaycanda idmanı inkişaf etdirmək əvəzinə onu məhdudlaşdırmağa çalışır? Bu, xalqımıza qarşı zülmdür.”

O həmçinin deyib ki, əgər özəl sektor idmana cəlb olunacaqsa, bu investisiyalar Təbrizin köklü Maşınsazi komandasının dirçəldilməsinə yönəldilə bilərdi.

Mis Süngün mədəni Yaxın Şərqin ən böyük mis yataqlarından biri sayılır və İranın mis istehsalının yarıdan çoxu bu bölgədən təmin olunur. Buna baxmayaraq, Güney Azərbaycanın sərvətinin yerli xalqa deyil, mərkəzi bölgələrə yönəldildiyi ilə bağlı tənqidlər uzun illərdir davam edir.

Güney Azərbaycanda Mis Süngün komandalarının bu böyük sərvətdən xalqa qalan yeganə pay olduğu və onun da əllərindən alınmasının ciddi narazılıq yaratdığı bildirilir.

GünAzTV
R.G

GUNAZ.TV

SON XƏBƏRLƏR