NATO-nun həssas toplantısı Türkiyədə keçiriləcək

SON XƏBƏRLƏR

NATO-nun həssas toplantısı Türkiyədə keçiriləcək

2026.05.13, 20:05

Türkiyənin paytaxtı NATO ilə ərəb körfəzi ölkələri arasında yeni məsləhətləşmələrin mərkəzinə çevriləcək.

Gunaz.tv

Gunaz TV-nin məlumatına görə, Bloomberg xəbər verib ki, Ankara iyulun 7 və 8-də NATO-nun mühüm toplantısına ev sahibliyi edəcək; İran müharibəsi, ərəb körfəzi təhlükəsizliyi və ABŞ ilə Avropa arasında dərinləşən fikir ayrılığı bu toplantının əsas mövzuları olacaq.

Məlumata əsasən, NATO bu toplantıya Bəhreyn, Küveyt, Qətər və Birləşmiş Ərəb Əmirliklərinin nümayəndələrini dəvət etməyi planlaşdırır. Bu dörd ölkə NATO ilə “İstanbul Əməkdaşlıq Təşəbbüsü” çərçivəsinin üzvləridir.

Bloomberg-ə danışan məlumatlı mənbələr bildiriblər ki, bu addım NATO-nun “cənub cinahı” adlandırdığı istiqaməti gücləndirmək səyləri çərçivəsində, xüsusilə İran müharibəsindən sonrakı vəziyyət fonunda atılır.

NATO-nun mətbuat xidməti bu xəbərlə bağlı hələlik şərh verməkdən imtina edib.

Bu toplantı Ankarada Qərb müttəfiqləri arasında İran müharibəsi ilə bağlı gərginliyin artdığı bir vaxtda keçiriləcək. Donald Trump NATO üzvlərini Hörmüz boğazının yenidən açılması ilə bağlı ABŞ-ın səylərinə qoşulmamaqda tənqid edib, daha sonra isə Almaniyadan təxminən 5 min Amerika əsgərinin çıxarılacağını açıqlayıb.

Bu hesabatda adı keçən dörd ərəb körfəzi ölkəsi və Səudiyyə Ərəbistanı son müharibə zamanı raket və pilotsuz aparat hücumlarının hədəfi olub; bu da regional təhlükəsizliyi Ankara toplantısının əsas mövzularından birinə çevirib.

GünAzTV
R.G

GUNAZ.TV

SON XƏBƏRLƏR