Contact Us

SON XƏBƏRLƏR

Trampdan İrana qarşı yeni müharibə mesajı?

2026.05.17, 00:15
Trampdan İrana qarşı yeni müharibə mesajı?

Trampın İranla bağlı paylaşdığı “mən fırtına öncəsi sakitlik idim” mesajı yeni ehtimallara yol açdı.

Gunaz.tv

Gunaz TV-nin məlumatına görə, ABŞ prezidenti Donald Tramp bir neçə dəqiqə əvvəl Truth Social sosial şəbəkəsində hərbi məzmunlu görüntü paylaşaraq İranla bağlı gərginlik fonunda diqqətçəkən mesaj verib.

Trampın paylaşdığı şəkildə onun döyüş gəmilərinin önündə və fırtınalı səhnə fonunda təsvir olunduğu görünür. Paylaşımda “It Was The Calm Before the Storm” ifadəsi yer alıb ki, bu da “Bu, fırtına öncəsi sakitlik idi” mənasını verir. Bəzi müşahidəçilər bu mesajı İranla bağlı proseslərə birbaşa işarə kimi dəyərləndirirlər.

Şəkildə Tramp seçki kampaniyalarında istifadə etdiyi məşhur papaqla ön planda görünür. Arxa planda isə ABŞ hərbi formasında yüksək rütbəli zabit, döyüş gəmiləri və tufanlı dəniz təsvir olunub. Bu vizual kompozisiya açıq şəkildə hərbi güc nümayişi və təhdid mesajı kimi şərh olunur.

Bu paylaşım Vaşinqtonla Tehran arasında son günlər artan gərginlik və Ağ Evin İranla bağlı mümkün addımları barədə ehtimalların gücləndiyi bir dövrdə edilib.

“Fırtına öncəsi sakitlik” ifadəsi Tramp tərəfindən daha əvvəl də təhlükəsizlik və hərbi kontekstlərdə istifadə olunub və adətən yaxınlaşan addım və ya qərara eyham kimi qəbul edilib.

Bununla belə, Tramp paylaşımında mesajının konkret olaraq nə ilə bağlı olduğunu açıqlamayıb. ABŞ rəsmiləri də indiyədək bu paylaşım barədə rəsmi mövqe bildirməyiblər.

 

GünAzTV
R.G

Açar Sözlər :

SEÇİLMİŞ XƏBƏRLƏR

Çox oxunanlar