Tramp Tehrana: Vaxt sürətlə tükənir

SON XƏBƏRLƏR

Tramp Tehrana: Vaxt sürətlə tükənir

2026.05.17, 21:35

Tramp Netanyahu ilə danışdığı saatlarda Tehrana yeni təhdidlər göndərib.

Gunaz.tv

Gunaz TV-nin məlumatına görə, ABŞ prezidenti Donald Tramp Truth Social platformasında paylaşdığı mesajda İran üçün vaxtın sürətlə tükəndiyini bildirərək Tehrana sərt xəbərdarlıq edib.

Tramp yazıb: “İran üçün vaxt sürətlə keçir və onların mümkün qədər tez hərəkət etməsi daha yaxşı olar, əks halda onlardan heç nə qalmayacaq.” O əlavə edib: “Vaxt son dərəcə kritikdir.”

ABŞ prezidenti İsrailin 13-cü kanalına verdiyi müsahibədə də təhdid dolu ritorikasını davam etdirərək deyib: “Düşünürəm ki, Tehran rəsmiləri məndən qorxmalı və diqqətli olmalıdır.”

Tramp İsrailin 12-ci kanalına başqa bir müsahibəsində isə hələ də İranın razılaşma əldə etmək istədiyinə inandığını bildirib və yaxın günlərdə Tehranın yeni təklif təqdim edəcəyini gözlədiyini deyib.

O, danışıqlarla bağlı konkret son tarix açıqlamaqdan imtina etsə də, ABŞ-ın İranın nüvə proqramı ilə bağlı tələbləri yerinə yetirilməyəcəyi təqdirdə daha sərt hərbi addımların atılacağı barədə xəbərdarlıq edib.

Bu arada Axios İsrailli bir rəsmiyə istinadən Donald Trampın Benyamin Netanyahu ilə telefon danışığında İran məsələsini müzakirə etdiyini yazıb.

İsrailin Kan telekanalı isə bu telefon danışığının 30 dəqiqədən çox davam etdiyini bildirib.

Məlumata görə, tərəflər İranla mümkün qarşıdurmanın yenidən başlaması ehtimalını müzakirə edib. Tramp eyni zamanda Netanyahuya Çinə son səfərinin detalları barədə də məlumat verib.

GünAzTV
R.G

GUNAZ.TV

SON XƏBƏRLƏR