Putin Çinə gedir

SON XƏBƏRLƏR

Putin Çinə gedir

2026.05.19, 20:10

Gunaz.tv

Gunaz TV-nin məlumatına görə, Rusiya prezidenti Vladimir Putin Donald Trampın Çinə son səfərindən bir həftə keçməmiş Si Cinpinlə görüşmək üçün Pekinə yollanır. Bu səfər Qərbin təzyiqləri fonunda Moskvanın Pekindən asılılığının daha da artdığı kimi qiymətləndirilir.

Kreml bildirib ki, səfərin məqsədi Rusiya ilə Çin arasında “xüsusi strateji tərəfdaşlığı” gücləndirməkdir. Putinin köməkçisi Yuri Uşakov isə səfərin aylar öncə planlaşdırıldığını və Trampın son səfəri ilə əlaqəsi olmadığını deyib.

Putin Pekinə beş baş nazir müavini, səkkiz nazir və Rusiya Mərkəzi Bankının rəhbərinin daxil olduğu geniş nümayəndə heyəti ilə gedir. Bu da Moskvanın Pekinlə iqtisadi əlaqələrə verdiyi əhəmiyyəti göstərir.

Rusiya Ukrayna müharibəsinə görə Qərbin geniş sanksiyaları ilə üzləşdikdən sonra Çinlə münasibətlərə daha çox ehtiyac duyur və bu səfər də həmin əlaqələri daha da möhkəmləndirmək cəhdi kimi qiymətləndirilir.

Eyni zamanda, Rusiyanın diplomatik təmaslarında fəal rol oynayan Kirill Dmitriyevin də heyətdə yer alması diqqət çəkib.

GünAzTV
R.G

GUNAZ.TV

SON XƏBƏRLƏR