Tramp İran həbsxanalarında qadınlara qarşı seksual zorakılıq hesabatını paylaşdı

SON XƏBƏRLƏR

Tramp İran həbsxanalarında qadınlara qarşı seksual zorakılıq hesabatını paylaşdı

2026.05.28, 06:24

Gunaz.tv

Gunaz.tv-nin məlumatına görə, ABŞ prezidenti Donald Tramp İranda qadın məhbuslara qarşı artan seksual zorakılıq və təzyiqlərlə bağlı hesabatı “Truth Social” sosial şəbəkəsində yenidən paylaşıb.

İlk dəfə “Jerusalem Post” qəzeti tərəfindən yayımlanan hesabatda “Media Line” tərəfindən əldə edilən məlumatlara istinadən bildirilir ki, İran həbsxanaları və saxlanma mərkəzlərində qadın məhbuslara qarşı seksual zorakılıq halları nəzərəçarpacaq dərəcədə artıb.

26 aprel tarixli hesabatda “Kamelya” adlı etirazçı qadın bildirib ki, İran qüvvələri onu həyat yoldaşının gözü qarşısında zorakılıqla saxlayıblar.

O deyib ki, dəfələrlə etiraz etməsinə baxmayaraq, saxlanıldığı müddətdə seksual zorakılığa məruz qalıb və həyat yoldaşı da məmurların davranışına etiraz etdiyi üçün ağır şəkildə döyülüb.

Kamelya həmçinin bildirib ki, iki həftə ərzində təxminən 20 kvadratmetrlik bir otaqda daha səkkiz qadınla birlikdə saxlanılıb. Onların arasında sifətindən saçma gülləsi ilə yaralanmış 16 yaşlı bir qız da olub.

Tramp daha əvvəl də may ayının əvvəlində İranda edama məhkum edilmiş səkkiz qadının şəkillərini paylaşaraq İran hakimiyyətindən onların edam hökmünü dayandırmağı tələb etmişdi.

ABŞ prezidenti bir gün sonra isə ona bu qadınların edam edilməyəcəyi barədə məlumat verildiyini açıqlamışdı.

Məlumatlara görə, edama məhkum edilən qadınların adları Qəzəl Qələndəri, Bita Himməti, Gülnaz Naraği, Venus Hüseynnejad, Pənah Mövhədi, Ənsiyə Nicati, Diana Taherabadi və Məhbubə Şəbanidir.

GünAzTV
R.G

GUNAZ.TV

SON XƏBƏRLƏR