Danimarka: İran Avropa üçün terror təhlükəsidir

SON XƏBƏRLƏR

Danimarka: İran Avropa üçün terror təhlükəsidir

2026.05.30, 06:42

Gunaz.tv

Gunaz.tv-nin məlumatına görə, Danimarkanın Milli Təhlükəsizlik və Kəşfiyyat Xidməti İranın bu ölkəyə və digər Avropa dövlətlərinə qarşı terror təhdidlərində daha fəal rol oynadığını açıqlayıb.

Qurumun rəhbəri Finn Borx Andersen bildirib ki, İran xüsusilə İsrail və yəhudi maraqları, eləcə də Avropada yaşayan İran müxalifləri üçün, o cümlədən Danimarkada ciddi təhlükə hesab olunur.

O vurğulayıb: “İrandan qaynaqlanan təhdidlər bu ölkənin kəşfiyyat xidmətlərindən gəlir. Onlar hücumların planlaşdırılması və həyata keçirilməsi üçün cinayətkar şəbəkələrdən və Avropada cəlb etdikləri şəxslərdən istifadə edirlər.”

Danimarka Təhlükəsizlik və Kəşfiyyat Xidməti qeyd edib ki, ümumi təhlükə səviyyəsi 5 üzərindən 4 olaraq qalsa da, son illərdə dövlət aktorlarının terror fəaliyyətlərində rolu əhəmiyyətli dərəcədə artıb və İran bu narahatlıqların mərkəzində dayanır.

Qurum həmçinin xəbərdarlıq edib ki, İran və İsrail arasında gərginliyin artması, xüsusilə də ötən il başlayan hərbi qarşıdurmalardan sonra, Qərb ölkələrinə qarşı təhlükəsizlik risklərini və terror təhdidlərini yüksəldib.

Bundan əvvəl İsveç Təhlükəsizlik Xidməti də İranı Avropada İsrail hədəflərinə və iranlı müxaliflərə qarşı zorakı əməliyyatlar həyata keçirmək üçün cinayətkar qruplardan istifadə etməkdə ittiham etmişdi.

GünAz TV
R.G

GUNAZ.TV

SON XƏBƏRLƏR