Contact Us

SON XƏBƏRLƏR

Milli fəalların məhkəməsi oldu- Lisani, Kari və Xeyrcu qatılmadılar

2026.05.31, 11:39
Milli fəalların məhkəməsi oldu- Lisani, Kari və Xeyrcu qatılmadılar

Dünən mayın 30-da Tehran İnqilab Məhkəməsinin 28-ci bölməsində milli fəallar Abbas Lisani, Yusif Kari, Əli Xeyrcu və Behzad Dəştinin məhkəmə iclası keçirilib.

Gunaz.tv

Bu barədə insan haqları təşkilatları məlumat yayıb.

Məlumata görə, Abbas Lisani, Yusif Kari və Əli Xeyrcu, bundan əvvəl də elan etdikləri kimi məhkəməni ədalətsiz və nümayişkaranə adlandırıb və məhkəmə iclasına qatılmaqdan imtina ediblər.

Məhkəmə iclasının nəticəsi və qərarı barədə hələlik məlumat verilməyib.

Fəalların məhkəmə iclasında iştirakdan imtina etmələri, həm də Yusif Karinin tələb olunan 6 milyard tümən girov qarşılığında müvəqqəti sərbəst buraxılması barədə verilən qanuni vədin yerinə yetirilməməsinə etiraz məqsədi daşıyıb.

Qeyd edək ki, Abbas Lisani, Əli xeyrucu, Behzad Dəşti və Yusif Kari 2025-ci il noyabrın 11-də Tehranda Evin həbsxanasının qarşısında aclıq aksiyası keçirən azərbaycanlı məhbs fəallara dəstək üçün oturaq aksiya keçirdikləri vaxt həbs ediliblər.

Bir müddət əvvəl Behzad Dəşti və Əli Xeyrcu girov qarşılığında müvəqqəti olaraq məhkəməyə qədər azad edilsələr də Abbas Lisani və Yusif kari Evin həbsxanasındakı 209 saylı istintaq təcridxanasına, 2025-ci ilin dekabr ayının 31-də isə həbsxananın 7-ci karantin bölməsinə köçürülüblər.

Onlara qarşı "qanunsuz qrupa üzv olmaq", "ölkənin milli təhlükısizliyinə qarşı toplaşmaq və əlbir olmaq" və "ictimai asayişi pozmaq" ittihamları irəli sürülüb.

Adı çəkilən fəalların hamısı bundan əvvəl də dinc mədəni və milli fəaliyyətlərinə görə bir neçə dəfə həbs olunublar.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar