İran nefti yenidən bazarlara qayıdır?

SON XƏBƏRLƏR

İran nefti yenidən bazarlara qayıdır?

2026.06.16, 21:49

ABŞ İrana neft satışını bərpa etməyə imkan verəcək.

Gunaz.tv

İran və ABŞ arasında imzalanan memorandum İranın neft ixracını dərhal bərpa etməsi üçün yol açır.

Gunaz TV-nin məlumatına görə, The Wall Street Journal qəzeti və Reuters agentliyi məlumatlı mənbələrə istinadən bildiriblər ki, İran və ABŞ arasında əldə olunan memorandum Tehrana neft və digər neft məhsullarının satışına dərhal başlamağa imkan verəcək.

Məlumatlara əsasən, neft satışına tətbiq olunan məhdudiyyətlərin azaldılması ilə bağlı müddəalar sazişin rəsmi imzalanmasından sonra qüvvəyə minəcək. Bu çərçivədə İranın neft ixracı üçün zəruri olan bank, nəqliyyat və sığorta xidmətləri də təmin ediləcək.

ABŞ rəsmilərindən biri vurğulayıb ki, İranın bu memorandumun üstünlüklərindən yararlanması onun öhdəliklərini tam yerinə yetirməsindən asılı olacaq. Bu öhdəliklərə nüvə silahı əldə etməmək, zənginləşdirilmiş materialların zərərsizləşdirilməsi və Hörmüz boğazında gəmiçilik hərəkətinə mane olmamaq daxildir.

İran və ABŞ arasında memorandum elektron şəkildə imzalanıb. Sənədin cümə günü İsveçrədə hər iki ölkənin yüksək səviyyəli rəsmilərinin iştirakı ilə rəsmi olaraq imzalanacağı gözlənilir.

GünAzTV
R.G

GUNAZ.TV

SON XƏBƏRLƏR