Mollalar Azərbaycan Respublikası ilə sərhədlərin açılmamasından narahatdırlar

SON XƏBƏRLƏR

Mollalar Azərbaycan Respublikası ilə sərhədlərin açılmamasından narahatdırlar

2026.06.18, 10:33

Ərdəbilli mollalar və İran İslam Təbliğatı Təşkilatının yerli məsulları Azərbaycan Respublikasının İranla quru sərhədləri açmamasından narahatlıqlarını ifadə ediblər.

Gunaz.tv

Bu barədə yerli mənbələr məlumat yayıb.

Məhərrəmlik ayı ilə bağlı təşkil olunan əzadarlıq və özünüdöymə mərasimlərində çıxış edən mollalar, quru sərhədlərinin bağlı olduğuna görə, iranlı təbliğatçıların Azərbaycan Respublikasına səfər edə bilməmələrindən narahatlıqlarını ifadə ediblər.

Onlar Rəsmi Bakıya qarşı əvvəlki ittihamları təkrar edərək, Azərbaycan Respublikasından olan "dindar"ların da Ərdəbil və başqa bölgələrdə təşkil olunan əzadarlıq mərasimlərində iştirak edə bilməmələrindən də təəssüfləndiklərini bildiriblər.

Yerli molalar Azərbaycan Respublikasında azyaşlıların, uşaqların əzadarlıq mərasimlərinə buraxılmamalarından da narahat olduqlarını deyib, bunu "islama qarşı" tədbir kimi dəyərləndiriblər.

Bununla yanaşı İslam Təbliğatı Təşkilatının nümayəndələri quru sərhədlərin bağlı saxlanılmasını İran İslam Respublikasının Azərbaycan Respublikasında dini və ideoloji təbliğatının və təsirinin azalmasına səbəb olduğunu qeyd edib, məsul şəxslərdən quru sərhədlərin açılması üçün qonşu ölkəyə təqi göstərmələrini tələb ediblər.

Bəzi çıxışçılar və sərt xətt cərəyanına bağlı olan mollalar da, buna görə Məsud Pezeşkianı qınayıb, onun Azərbaycan Respublikasına qarşı mülayim münasibətinin "anlaşılmaz" olduğunu bildiriblər.

Qeyd edək ki, yerli sosial media fəallarının məlumatlarına görə, 3 gün ərzində Ərdəbildə keçirilən əzadarlıq mərasimlərində iştirak edən 7 azyaşlı xəsarət alıb. Onlardan 6-ı amblatur müalicə aldıqdan sonra evə buraxılıb, biri xəstəxanaya yerləşdirilib.

GünazTV

GUNAZ.TV

SON XƏBƏRLƏR