Hörmüzdə rüsum qərarı Vaşinqtonun əlindədir

SON XƏBƏRLƏR

Hörmüzdə rüsum qərarı Vaşinqtonun əlindədir

2026.06.21, 07:24

Tramp: Hörmüz boğazında rüsumlarla bağlı qərarı yalnız ABŞ verəcək.

Gunaz.tv

Tramp Hörmüz boğazından keçən gəmilərdən rüsum alınması məsələsinə münasibət bildirib.

Gunaz TV-nin məlumatına görə, ABŞ Prezidenti Donald Tramp bildirib ki, 60 günlük atəşkəs dövründə və hətta bu müddət başa çatdıqdan sonra da Hörmüz boğazından keçən gəmilərdən heç bir rüsum alınmayacaq; yalnız İran və ABŞ arasında yekun razılaşma əldə olunmasa, vəziyyət dəyişə bilər.

Tramp cümə günü axşam “Truth Social” sosial şəbəkəsində yazıb: “Atəşkəs dövründə, 60 gün ərzində Hörmüz boğazında heç bir rüsum alınmayacaq.” O əlavə edib ki, bu müddət başa çatdıqdan sonra da rüsum tətbiq edilməyəcək. Lakin danışıqlar uğursuz olarsa, ABŞ öz xərclərinin qarşılanması üçün rüsum tətbiq edə bilər.

İran və ABŞ arasında imzalanmış anlaşma memorandumunun beşinci bəndinə əsasən, İran 60 gün müddətində ticarət gəmilərinin təhlükəsiz keçidini heç bir ödəniş almadan təmin etməyi öhdəsinə götürüb.

Həmin bənddə həmçinin nəzərdə tutulur ki, İran və Oman Hörmüz boğazında gələcək idarəetmə və dəniz xidmətləri mexanizmləri barədə danışıqlar aparacaq, məsələ Körfəz sahilində yerləşən digər ölkələrlə də müzakirə olunacaq.

İranın xarici işlər naziri Abbas Əraqçi ötən həftə bildirmişdi ki, beynəlxalq qanunlara görə Hörmüz boğazından keçən gəmilərdən rüsum almaq mümkün deyil, lakin dəniz xidmətlərinə görə ödəniş tələb oluna bilər.

GünAzTV
R.G

GUNAZ.TV

SON XƏBƏRLƏR