Ukrayna zərbələri Rusiyanın yanacaq bazarına çatdı

SON XƏBƏRLƏR

Ukrayna zərbələri Rusiyanın yanacaq bazarına çatdı

2026.06.29, 09:36

Putin Rusiyada yanacaq çatışmazlığını təsdiqlədi.

Gunaz.tv

Rusiya prezidenti Vladimir Putin Ukraynanın Rusiyanın neft emalı zavodlarına və enerji obyektlərinə ardıcıl hücumlarından sonra ölkədə “müəyyən qədər yanacaq çatışmazlığı” olduğunu təsdiqləyib.

Günaz TV-nin məlumatına görə, Putin bildirib ki, Ukraynanın Rusiyanın kritik infrastrukturuna hücumları problemlər yaradıb, lakin əlavə edib: “Hazırda müəyyən qədər çatışmazlıq görürük, amma bu vəziyyət böhranlı deyil.”

O həmçinin qeyd edib ki, sürücülər və bizneslər üçün yanacaq təminatı ilə bağlı problemlər davam edir və “təəssüf ki, hələ də yanacaqdoldurma məntəqələrində növbələr var.”

Rusiya prezidenti bildirib ki, hökumət hava hücumundan müdafiə imkanlarını artırır, müxtəlif bölgələrin, o cümlədən Krımın yanacaq təminatını qorumağa çalışır və Ukrayna hücumlarının mülki infrastruktura təsirlərini azaltmaq üçün tədbirlər görür.

Bu arada Rusiyanın 2014-cü ildə Ukraynadan ilhaq etdiyi Krımda yanacaq çatışmazlığı və Ukrayna hücumları nəticəsində elektrik kəsintilərinə görə fövqəladə vəziyyət elan edilib.

Məlumatlara görə, Ukraynanın pilotsuz uçuş aparatları son həftələrdə Rusiyanın neft emalı zavodlarını, neft terminallarını və yanacaq xətlərini hədəfə alıb.

Putin həmçinin bildirib ki, Moskva “İran prosesi” başa çatdıqdan və Yaxın Şərqdə gərginlik azaldıqdan sonra Ukrayna müharibəsinin başa çatdırılması ilə bağlı ABŞ-la danışıqları davam etdirməyə hazırdır.

O deyib: “Biz danışıqları davam etdirməyə hazırıq və bütün detalları müzakirə etməyə hazırıq.”

ABŞ prezidenti Donald Tramp da Rusiya və Ukraynanı müharibəyə son qoymaq üçün razılığa gəlməyə çağırıb.

GünAzTV
R.G

GUNAZ.TV

SON XƏBƏRLƏR